टि-२० विश्वकप स्थगित गर्ने आईसीसीको निर्णय

अस्ट्रेलियामा यसै वर्ष अक्टोबर-नोभेबरमा आयोजना हुने भनिएको टि-२० विश्वकप अन्तर्राष्ट्रिय क्रिकेट परिषदले स्थगित गर्ने निर्णय गरेको छ।

कोरोना भाइरसको कारण क्रिकेटको बहुप्रतिक्षित प्रतियोगिता रद्द गरिएको हो। सोमबार भिडियो कन्फरेन्स मार्फत आईसीसीको बोर्ड बैठकले महत्वपूर्ण निर्णय गरेको हो।

आईसीसीले आगामी वर्ष २०२१ तथा २०२२ मा दुइ वटा टि-२० विश्वकप आयोजना हुने बताएको छ। यस्तै २०२३ मा भारतमा आयोजना हुने एकदिवसीय विश्वकपको मिति वर्षको सुरुवातबाट सारेर अक्टोबर/नोभेम्बरमा आयोजना गर्ने आईसीसीले बताएको छ।

टि-२० विश्वकप २०२१ अक्टोबर/नोभेम्बरमा आयोजना हुनेछ जसको फाइनल १४ नोभेम्बरमा हुनेछ। पुनः २०२२ को अक्टोबर/नोभेम्बरमा टि-२० विश्वकप आयोजना हुनेछ जसको फाइनल १३ नोभेम्बरमा हुनेछ।

कोरोना महामारीको कारण अस्ट्रेलिय क्रिकेटले निर्धारित समयमा टि-२० विश्वकप आयोजना गर्न नसक्ने बताएको थियो।

आईपीएललाई सहज 

टि-२० विश्वकप नहुने भए पछि उक्त समयमा विश्वको सबैभन्दा महँगो टि-२० लिग आईपीएलले अक्टोबर/नोभेम्बरको समय पाउने भएको छ। बिसीसीआईले आईपीएलको १३ औं सिजन २६ सेप्टेम्बर देखि ८ नोभेम्बरमा आयोजना गर्ने बताईएको छ जसको अधिकारिक घोषणा भएको छैन। आईपीएलको आयोजना युएईले गर्न सम्भावना प्रवल रहेको छ।

कोरोना महामारीको कारण अन्तर्राष्ट्रिय क्रिकेट निकै प्रभावित भएको छ। आईसीसीले गर्ने विश्वकप लिग जस्ता प्रतियोगिताहरु देखि द्विपक्षीय सिरिजहरु आयोजना हुनसकेको छैन। टि-२० एसिया कप प्रतियोगिता पनि यो वर्ष नहुने निश्चित भैसकेको छ। टि-२० विश्वकप कोरोनाका कारण स्थगित हुने सबैभन्दा ठुलो प्रतियोगिता बनेको छ।





थप समाचार

आइपीएल : बेंगलुरु र हैदराबाद खेल्दै

काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ । हैदराबादको घरेलु […]

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]