- विकेटनेपाल, भदौ १६
दक्षिण अफ्रीकामा सेप्टेम्बर ३ दखि ९ सम्म आयोजना हुने आईसीसी बिश्व क्रिकेट लिग डिभिजन-५ मा अम्पायरको भूमिका निभाउन नेपाली अम्पायर दुर्गानाथ सुवेदी बिहिबार त्यसतर्फ प्रस्थान गरेका छन् l
यसै साता मलेसियामा सम्पन्न एसईए गेम्स समेत अम्पायरको भूमिका निभाएका सुवेदीले २०२३ आईसीसी क्रिकेट विश्वकपको पहिलो ढोका डिभिजन-५ मा अम्पयारिंग प्यानलको प्रतिनिधित्व गर्नेछन् l
सन् २०२३ को एकदिवसीय बिश्वकप भारतमा आयोजना हुनेछ जसमा टिम छनौटको लागि डिभिजन-५ पहिलो खुड्किलो हुनेछ l दक्षिण अफ्रीकाको बेनोईमा आयोजना हुने प्रतियोगितामा कुल ८ टोलि सहभागी हुँदैछन् l
सहभागी टिमहरु :-
जर्सी, इटली, गुर्नेसी, भानुवाटु, केमन आइसल्याण्ड, घाना, कतार, जर्मनी
सहभागी ८ टिमलाई २ वटा समुहमा बिभाजन गरिएको छ l दुवै समुहबाट उत्कृस्ट हुने २-२ टिम सेमीफाइनल पुग्नेछ र फाइनल पुग्ने २ टिम २०१८ को मध्येमा आयोजना हुने डिभिजन-४ मा सहभागी हुने मौका पाउनेछ l
( फिचर फोटो – कौशल अधिकारी, आईसीसी )
