पहिलो पटक च्याम्पियन बन्न दक्षिण अफ्रिकालाई १७७ रनको लक्ष्य

काठमाडौं । टी-२० विश्वकपमा पहिलो पटक च्याम्पियन बन्न दक्षिण अफ्रिकाले पुर्व विजेता भारतबाट रनको लक्ष्य पाएको छ ।

वेस्ट इन्डिजको बारबाडोसमा टस जितेर पहिले ब्याटिङ गरेको भारतले निर्धारित २० ओभरमा ७ विकेट गुमाएर १ सय ७६ रन बनायो ।

भारतका लागि विराट कोहलीले ५९ बलमा ६ चौका र २ छक्काको सहयोगमा ७६ रनको अर्धशतकीय ईनिङ खेले । अक्षर पटेलले ३१ बलमा १ चौका र ४ छक्काको सहयोगमा ४७ रन बनाए ।

पहिलो ओभरमा १५ रन जोडेर राम्रो सुरुआत गरेको भारतले दोस्रो ओभरमा दुई विकेट गुमाएको थियो । विकेट गुमाएसँगै दबाबमा आएको भारतले पाँचौ ओभरको तेस्रो बलमा ३४ रन बनाउँदा तेस्रो विकेट गुमायो ।

चौथो विकेटका लागि कोहली र पटेलले ५४ बलमा ७५ रनको महत्वपूर्ण साझेदारी गर्दै टोलीलाई बलियो योगफलसम्म पुर्याउन सफल भए ।

कागिसो रबडाको बलमा ४७ रन आउट भए । पटेल आउट भएसँगै क्रिजमा आएका शिभम दुबेले १६ बलमा ३ चौका र १ छक्काको सहयोगमा २७ रन बनाए ।

पाँचौ विकेटका लागि दुबे र कोहलीले ३३ बलमा ५७ रनको महत्वपुर्ण साझेदारी गरे । कोहली आउट भएसँगै यो साझेदारी तोडिएको थियो । कोहली आउट भएसँगै क्रिजमा आएका हार्दिक पान्ड्याले २ बलमा अविजित ५ रन बनाए ।

दक्षिण अफ्रिकाका लागि केशब महाराज र एनरिक नोर्कियाले समान दुई दुई तथा मार्को यानसन र कागिसो रबडाले समान एक एक विकेट लिए ।

पहिलो पटक फाइनलमा स्थान बनाएको दक्षिण अफ्रिका भारतलाई पराजित गर्दै इतिहास रच्ने लक्ष्यमा छ । दक्षिण अफ्रिका यो विश्वकपमा अपराजित रहँदै फाइनल पुगेको हो । उसले यसअघि फाइनल अघि खेलेका आठै खेल जितेको थियो ।

उता, २००७ मा भएको पहिलो संस्करणको उपाधी विजेता भारत पनि दक्षिण अफ्रिकालाई हराउँदै उपाधी जित्ने लक्ष्यमा छ । २०१३ देखि आइसीसीको कुनै पनि प्रतियोगिता जित्न नसकेको भारत उपाधीको खडेरी तोड्न चाहन्छ । भारत पनि प्रतियोगितामा अपराजित रहेर फाइनल पुगेको हो ।





थप समाचार

प्रधानमन्त्री कप भक्तपुर छनोट :हिमालय र बिएमसीए विजयी

काठमाडौं । प्रधानमन्त्री कप क्रिकेट प्रतियोगिताको भक्तपुर छनोट खेलमा हिमालय स्पोर्ट्स म्यानेजमेन्ट र बिएमसीए विजयी भएका छन्। मुलपानी मैदानमा जारि […]

एनकासा इन्टर फर्म क्रिकेट : सुब्र , केबिएसआर, अनिश र एपीए विजयी

१२ औं संस्करणको एनकासा इन्टर फर्म क्रिकेट प्रतियोगिता अन्तर्गत दोश्रो दिन सम्पन्न चारवटा खेलहरु सम्पन्न भएका छन्। ललितपुर स्थित पुल्चोक […]

डीएभीलाई अन्तर-स्कुल टि-२० क्रिकेटको उपाधि

काठमाडौँ, डिएभि सुशील केडिया विश्व भारतीय स्कुलले १६ औं सीओएएस अन्तर-स्कुल रनिंग टि-२० क्रिकेट प्रतियोगिता २०८१ को उपाधि जितेको छ। […]

इन्टर-फर्म क्रिकेट : एसएचए र केएएसए युपीबि युथ्स विजयी

१२ औं संस्करणको एनकासा इन्टर फर्म टी २० क्रिकेट प्रतियोगिता आइतबार सुरु भएको छ। ललितपुर स्थित पुल्चोक इन्जिनियरिङ मैदानमा आइतबार […]

प्रधानमन्त्री कप भक्तपुर छनोट : जनप्रेमी र हिमालयन विजयी

काठमाडौं । प्रधानमन्त्री कप क्रिकेट प्रतियोगिताको भक्तपुर छनोट खेलमा जनप्रेमी स्पोर्टस् क्लब र हिमालयन स्पोर्ट्स म्यानेजमेन्ट विजयी भएका छन्। मुलपानी […]

प्रधानमन्त्री कप भक्तपुर छनोट : पासा र बिसीसी विजयी

काठमाडौं । प्रधानमन्त्री कप क्रिकेट प्रतियोगिताको भक्तपुर छनोट खेलमा पासा क्रिकेट एकेडेमी र बिसीसी विजयी भएका छन् । मुलपानी मैदानमा […]