- विकेटनेपाल, पुष १८ , बिहिबार
चेतेश्वर पुजाराले शतक प्रहार गरेपछि अष्ट्रेलिया विरुद्ध चौथो टेष्टमा भारतले उत्कृष्ट सुरुवात गरेको छ। पुजाराले नटआउट १३० रन बनाएपछि पहिलो दिन भारतले ३ सय ३ रन बनाएको छ। दिनको खेलमा समाप्तीमा भारतले ९० ओभर ब्याटिङ गर्दा ४ विकेट गुमायो।
सिड्नी क्रिकेट ग्राउण्डमा टस जितेर पहिले ब्याटिङ गरेको भारतले दोस्रो ओभरमै लोकेश राहुललाई ९ रनमा गुमाएको थियो। तर मायांक अग्रवालर पुजाराले दोस्रो विकेटका लागि ११६ रनको साझेदारी गर्दै भारतलाई गतिलो सुरुवात दिलाए।
अग्रवालले ११२ बल खेल्दै ७ चौकार २ छक्काको मद्दतमा ७७ रन बनाए। कप्तान विराट कोहली २३ तथा अजिन्का रहाने १८ रन बनाएर आउट भए।
एक छेउबाट इनिङ्समा टिकिरहेका पुजाराले पहिलो दिन २५० बल खेल्दा १६ चौका प्रहार गर्दै १३० रन बनाए। पुजारासँगै हनुमान बिहारी ३९ रनमा नटआउट छन्। उनले ५८ बल खेल्दै ५ चौका प्रहार गरे।
टेस्टमा पुजाराको यो १८ औं शतक हो भने जारि सिरिजमा तेश्रो शतक हो। यस अघि उनले पहिलो टेस्टमा १२३ रन तथा तेश्रो टेस्टमा १०६ रनको इनिंग खेलेका थिए।
अष्ट्रेलियाका जोस हेजरउडले २ तथा मिचेल स्टार्क र नाथन लियोनले १-१ विकेट लिए।
सिड्नी टेष्ट अघि भारतले चार खेलको सिरिजमा २-१ को अग्रता बनाइसकेको छ। यस खेल बराबरीमा गरेमा मात्र पनि भारतले सिरिज जित्नेछ। अष्ट्रेलियाको लागि भने सिरिज जोगाउन यो खेल जित्नैपर्ने बाध्यता छ।
एडेलेइडमा भएको पहिलो टेष्ट भारतले ३१ रनले जितेको थियो। दोस्रो टेष्ट अष्ट्रेलियाले १४६ रनले जित्दै १-१ को बराबरी गरेको थियो। तर मेलवर्नमा भएको तेस्रो टेष्टमा १३४ रनले जित्दै भारतले अग्रता बनाएको हो।
