खराब सुरुवात पछि चेतेश्वर पुजारा र श्रेयस ऐयरको शतकीय साझेदारीले चटगाउँमा सुरु भएको पहिलो टेस्टमा भारत सम्हालिएको छ।
दुई टेस्टको सिरिज अन्तर्गत पहिलो टेस्टमा टस जितेर ब्याटिंग गरेको भ्रमण टोलि भारतले पहिलो दिनको समाप्तिमा ९० ओभर ब्याटिंग गर्दा ६ विकेट गुमाएर २७८ रन बनाएको छ।
खराब सुरुवात गरेको भारतले ४८ रन बनाउदा ३ विकेट गुमायो। ४१ रनको ओपनिंग साझेदारी गरेपछि २० रन बनाएका शुबमन गिललाई तैजुल इस्लामले क्याच आउट गरे। २२ रन बनाएर केएल राहुल खलिल एहमदबाट बोल्ड भए। लगत्तै ओभरमा १ रन बनाएका बिराट कोहलीलाई इस्लामले एलबिडब्लु पारे।
चौंथो विकेटको लागि चेतेश्वर पुजारा र रिशभ पन्तले ६४ रन जोडे। ४५ बलमा ६ चौका र २ छक्का मद्दतले ४६ रन बनाएका पन्तलाई मेहदी हसनले बोल्ड गरे। पाँचौ विकेटको लागि पुजारा र श्रेयस ऐयरले शतकीय साझेदारी गरे। १४९ रनको साझेदारीलाई तोड्ने क्रममा हसनले पुजारालाई बोल्ड गरे। १९ औं टेस्ट शतक बनाउन चुकेका पुजाराले २०३ बलमा ११ चौका मद्दतले ९० रन बनाए।
पुजाराको विकेटपछि अक्षर पटेल १४ रन बन्येर हसनबाट एलबि डब्लु भए। दिनको समाप्तिमा ऐयर ८२ रनमा अविजित छन्। ऐरले १६९ बलमा १० चौका प्रहार गरेका छन्।
बंगलादेशको बलिंगमा तैजुल इस्लामले ३ ( ३०-८-८४-३ ) , मेहदी हसनले २ ( १८-४-७१-२ ) र खलिद एहमदले १ विकेट ( १२-२-२६-१ ) लिएका छन्।
यस अघि सम्पन्न तिन खेलको एकदिवसीय अन्तर्राष्ट्रिय सिरिज घरेलु टिम बंगलादेशले २-१ ले जितेको थियो।
