एसिया कप : रोमान्चक खेलमा पाकिस्तानद्वारा भारत पराजित

भारतलाई ५ विकेटले पराजित गर्दै पाकिस्तानले युएईमा जारी एसिया कप २०२२ को सुपर-४ चरणमा विजयी सुरुवात गरेको छ। स्कोरकार्ड

दुबई अन्तर्राष्ट्रिय स्टेडियममा भारतले दिएको १८२ रनको लक्ष्य पाकिस्तानले १ बल बाँकी हुँदा ५ विकेट गुमाएर भेटायो।

पाकिस्तानको जितमा ओपनर मोहम्मद रिजवानले सर्वाधिक ७१ रन बनाए जुन क्रममा ५१ बलमा ६ चौका र २ छक्का प्रहार गरे। मोहम्मद नवाजले मात्र २० बलमा ६ चौका र २ छक्का मद्दतले ४२ रन बनाए। आसिफ अलिले १६, फखर जमानले १५ तथा बाबर आजम र खुसदिल शाहले समान १४ रन बनाए।

चौंथो ओभरमा बाबर आजम आउट भएपछि रिजवानले दोश्रो विकेटको लागि जमानसंग ४१ रनको तथा तेश्रो विकेटको लागि नवाजसंग ७३ रनको साझेदारी गरे। रिजवान १७ औं ओभरमा आउट भए।

जितको लागि २ ओभरमा २६ रन आवस्यक हुँदा भुवनेश्वर कुमारले १९ औं ओभरमा १९ रन खर्चिए। अन्तिम ओभरमा ७ रन आवस्यक हुँदा अर्शदिप सिंहको दोश्रो बलमा आसिफ अलिले चौका प्रहार गरे। त्यसपछि चौंथो बलमा अलिलाई अर्शदिपले एलबिडब्लु पारे। २ बलमा २ रन आवस्यक हुँदा इफ्तिखार एहमदले २ रन लिंदै जित दिलाए। १८ औं ओभरमा रभी बिस्नोईको बलमा आसिफ अलिको सहज क्याच अर्शदिप सिंहले छोड्नु भारतको लागि आत्मघाती रह्यो। अन्तिम ३ ओभरमा भारतले वाइड मार्फत ६ रन खर्चियो।

भारतको बलिंगमा भुवनेश्वर कुमार, अर्शदिप सिंह, रभी बिस्नोई, हार्दिक पान्ड्या र युजभेन्द्र चाहलले १/१ विकेट लिए।

टस हारेर ब्याटिंग गरेको भारतले २० ओभरमा ७ विकेट क्षेतीमा १८१ रन बनायो।

भारतको लागि बिराट कोहलीले सर्वाधिक ६० रन बनाए जुन क्रममा ४४ बलमा ४ चौका र १ छक्का प्रहार गरे। ओपनर केएल राहुल र रोहित शर्माले समान २८ रन बनाए। दिपक हुडाले १६ तथा रिशभ पन्तले १४ रन बनाए।

रोहित र राहुलले ५४ रनको ओपनिंग साझेदारी गरेका थिए। त्यसपछि अर्को किनारमा लगातार विकेट गुमे पनि कोहलीले अन्तिम ओभरसम्म ब्याटिंग गरे। अन्तिम ओभरमा कोहली रन आउट भए।

पाकिस्तान बलर शदाब खानले २ विकेट लिए भने नसिम शाह, मोहम्मद हसनैन, हरिस रौफ र मोहम्मद नवाजले १/१ विकेट लिए। स्कोरकार्ड

सुपर-४ चरण अन्तर्गत पहिलो खेलमा श्रीलंकाले अफगानिस्तानलाई हिजो ४ विकेटले पराजित गर्दै विजयी सुरुवात गरेको थियो। सुपर-४ चरणको तेश्रो खेलमा मंगलबार भारत र श्रीलंका बीच प्रतिस्पर्धा हुनेछ।





थप समाचार

विश्वकप छनोट खेल्न दक्षिण अफ्रिका जाँदै सन्दीप

काठमाडौँ । नेपाली राष्ट्रिय क्रिकेट टिमका लेग स्पिनर सन्दीप लामिछानेलाई पठाउने तयारी गरिएको छ। सन्दीपलाई दक्षिण अफ्रिकामा हुने अभ्यास खेल […]

डीएभी सुशील केडिया स्कुलमा ३ उदीयमान क्रिकेटरका लागि पूर्ण छात्रवृत्ति अवसर 

काठमाडौं, ललितपुरमा रहेको डीएभी सुशील केडिया विश्व भारती स्कुलले तीन जना उदीयमान क्रिकेटरलाई पूर्ण छात्रवृत्ति प्रदान गर्ने भएको छ । […]

क्याम प्रिमियर लिग : तराई टाइगर, लुम्बिनी, कङ्गारु र हाम्रो यूथ क्लब विजयी

तराई टाइगर स्पोर्ट्स क्लबले अस्ट्रेलियाको सिड्नीमा जारी दोस्रो संस्करणको क्याम प्रिमियर लिग क्रिकेट प्रतियोगितामामा ६८ रनको फराकिलो जित निकालेको छ […]

एसीसी प्रिमियर कप : नेपाल र युएईबीचको बाँकी फाइनल खेल आज

  काठमाडौँ । काठमाडौँमा जारी एसीसी प्रिमियर कपमा सोमबार रोकिएको नेपाल र युएईबीचको फाइनल खेल आज (मंगलबार)सुरु हुदैछ । सोमबार […]

क्याम प्रिमियर लिग : जफर अन्सारीको अलराउन्ड प्रदर्शन

काठमाडौं, वैशाख १२– जफर अन्सारीको अलराउन्ड प्रदर्शन प्रेरित अमदब्लाम क्रिकेट क्लबले अस्ट्रेलियाको सिड्नीमा जारी दोस्रो संस्करणको क्याम प्रिमियर लिग क्रिकेटमा […]

वैशाख १३ देखि पिवाइसी बिबिए कप ट्वान्टी–२० क्रिकेट

काठमाडौं, वैशाख १०– पब्लिक युथ क्याम्पसको आयोजनामा वैशाखको दोस्रो सातादेखि पिवाइसी बिबिए कप ट्वान्टी–२० क्रिकेट प्रतियोगिता हुने भएको छ । […]