भारतद्वारा इंग्ल्यान्ड सहजै पराजित, कोहलीले बनाए नयाँ कीर्तिमान

दोश्रो टि-२० अन्तर्राष्ट्रियमा इंग्ल्यान्डलाई पराजित गर्दै भारतले पाँच वटा टि-२० अन्तर्राष्ट्रियको सिरिज १-१ को बराबरी गरेको छ।

इंग्ल्यान्डले दिएको १६५ रनको लक्ष्य भारतले मात्र ३ विकेट गुमाएर १७.५ ओभरमै पुरा गर्यो।

लक्ष्य पछ्याउने क्रममा ओपनर केएल राहुल खाता नखोली पहिलो ओभरमा स्याम करनबाट क्याच आउट भए। त्यसपछि ब्याटिंग गर्न आएका कप्तान बिराट कोहलीले डेब्यु गरिरहेका ब्याट्सम्यान इशान किशनसंग ९४ रनको साझेदारी गरे।

आक्रामक ब्याटिंग गरेका ओपनर किशनलाई दशौँ ओभरमा आदील रशिदले एलबिडब्लु आउट गरे। त्यस अघि किशनले ३२ बलमा ५ चौका र ४ छक्का प्रहार गरे। टि२० अन्तर्राष्ट्रिय डेब्युमा अर्धशतक बनाउने किशन भारतको अजिंके रहाने पछि दोश्रो ब्याट्सम्यान बन्न पुगे।

इशान किशनले डेब्युमा अर्धशतक बनाए

किशनको विकेट पछि क्रिजमा आएका रिशभ पन्तले आक्रामक ब्याटिंग गरे र मात्र १३ बलमा २ चौका र २ छक्का मद्दतले २६ रन बनाए। १४ औं ओभरमा पन्तलाई क्रिस जोर्डनले क्याच आउट गराए जतिबेला भारतलाई जित्न ३५ रन मात्र आवस्यक रहेको थियो।

पन्तको विकेट पछि कप्तान कोहली र श्रेयस ऐयरले भारतलाई जितसम्म डोर्याए।

कोहलीले टि-२० अन्तर्राष्ट्रिय करियरको २६ औं अर्धशतक पुरा गरे जुन क्रममा अविजित ७३ रन बनाए। पछिल्लो २ इनिंग्समा कोहली इंग्ल्यान्ड बिरुद्ध खाता नखोली आउट भएका थिए। कोहलीले ४९ बलमा ५ चौका र ३ छक्का प्रहार गरे। श्रेयस ऐयरले अविजित ८ रन बनाए।

बिराट कोहली टि-२० अन्तर्राष्ट्रिय क्रिकेटमा ३ हजार रन पुरा गर्ने विश्वकै पहिलो ब्याट्सम्यान बनेका छन्। यस अघि कोहलीले सबै भन्दा छिटो २ हजार रन समेत बनाएका थिए। कोहली पछि टि-२० अन्तर्राष्ट्रियमा धेरै रन न्युजिल्यान्डका मार्टिन गप्टिलले बनाएका छन् जसको नाममा २ हजार ८ सय ३९ रन रहेको छ। तेश्रो धेरै रन बनाउने रोहित शर्माले २ हजार ७ सय ७३ रन बनाएका छन्।

इंग्ल्यान्डको बलिंगमा स्याम करन ( ४-१-२२-१ ) , क्रिस जोर्डन ( २.५-०-३८-१ ) र आदील रशिद ( ४-०-३८-१ ) ले समान १ विकेट लिए।

यस अघि टस हारेर ब्याटिंग गरेको इंग्ल्यान्डले निर्धारित २० ओभरमा ६ विकेट गुमाएर १६४ रन बनाएको थियो।

इंगलिस ओपनर जोस बटलर पहिलो ओभरमा खाता नखोली भुवनेश्वर कुमारबाट एलबिडब्लु भए। दोश्रो विकेटको लागि जेसन रोय र डेबिड मलानले ६३ रनको साझेदारी गरे। २४ रन बनाएका मलानलाई युजभेन्द्र चहलले नवौं ओभरमा एलबिडब्लु गरे।

१२ औं ओभरमा जेसन रोयलाई वासिंगटन सुन्दरले क्याच आउट गराए जसले ३५ बलमा ४ चौका र २ छक्का प्रहार गर्दै ४६ रन बनाए। २० रन बनाएका जोनी बेयरस्टोलाई सुन्दरले १४ औं ओभरमा दोश्रो शिकार बनाए। कप्तान ओएन मोर्गनलाई १८ औं ओभरमा शार्दुल ठाकुरले विकेटकिपर रिशभ पन्तबाट क्याच आउट गराए। अन्तिम ओभरमा शार्दुल ठाकुरबाट क्याच आउट हुनु अघि बेन स्टोक्सले २४ रन बनाए।

इनिंग्सको अन्तिम ५ ओभरमा इंग्ल्यान्डले मात्र ३५ रन बनाउन सक्यो।

भारतको बलिंगमा वासिंगटन सुन्दर ( ४-०-२९-२ ) र शार्दुल ठाकुरले ( ४-०-२९-२ ) ले समान २ विकेट लिए। भुवनेश्वर कुमार ( ४-०-२८-१ ) र युजभेन्द्र चहल ( ४-०-३४-१ ) ले समान १ विकेट लिए।

सिरिज अन्तर्गत तेश्रो खेल मंगलबार नरेन्द्र मोदी स्टेडियम अहमदावादमानै खेलिनेछ।

धेरैले पढेको 

एभरेस्ट प्रिमियर लिगको नयाँ मिति सार्वजनिक

आईपीएल २०२१ : उद्घाटन खेलमा मुम्बई र बैंगलोर बीच प्रतिस्पर्धा ( खेलतालिका सहित )





थप समाचार

पाँचपोखरी टी-ट्वान्टी : इन्द्रावतीको पहिलो जित, भोटेचौरको लगातार दोश्रो जित

काठमाडौं । पाँचपोखरी थाङ्गपाल गाउँपालिका खेलकुद विकास समितिको आयोजना तथा सिन्धुपाल्चोक जिल्ला क्रिकेट संघ र पांचपोखरी क्रिकेट क्लब को प्राबिधिक […]

डिसिएल : दिपेश चम्किंदा टाइगर्स विजयी, तुलसीपुरको जितमा अमर उत्कृष्ट

काठमाडौं । दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत मंगलबार सम्पन्न खेलमा तुलसीपुर रोयल्स र घोराही टाइगर्स विजयी […]

निकोलको अलराउन्ड प्रदर्शनमा नामिबियाद्वारा नेपाल पराजित

काठमाडौं । जेन निकोलको कीर्तिमानी शतक तथा उत्कृष्ट बलिङको सहयोगमा नामिबियाले नेपाललाई पराजित गरेको छ । टियु क्रिकेट मैदान कीर्तिपुरमा […]

निकोलको कीर्तिमानी शतकमा नेपाललाई २ सय ७ रनको लक्ष्य

काठमाडौं । जेन निकोलको कीर्तिमानी शतकको सहयोगमा नामिबियाले नेपाललाई जितका लागि २ सय ७ रनको लक्ष्य दिएको छ । टियु […]

नेपालले टस हार्यो, ललित बेन्चमा

काठमाडौं । नेपालले नामिबियाविरुद्धको खेलमा टस हारेको छ । टियु क्रिकेट मैदानमा नामिबिया कप्तान जेजे स्मिथले टस जितेर ब्याटिङ रोजेपछि […]

त्रिदेशिय टी-ट्वान्टी सिरिज आजबाट, नामिबिया र नेपाल भिड्दै

काठमाडौं । आज(मंगलबार) बाट नेपाल, नेदरल्यान्ड्स र नामिबिया सम्मिलित त्रिदेशीय टी-ट्वान्टी सिरिज सुरु हुदैछ । सिरिजको पहिलो खेलमा नामिबिया र […]