हंगकंगलाई ४० रनले पराजित गर्दै भारत युएईमा जारि एसिया कप २०२२ को समुह ‘ए’ बाट सुपर-४ चरण प्रवेश गरेको छ।पहिलो खेलमा भारतले पाकिस्तानलाई ५ विकेटले पराजित गरेको थियो।
दुबई अन्तर्राष्ट्रिय स्टेडियममा भारतले दिएको १९३ रनको लक्ष पछ्याएको हंगकंगले पुरै २० ओभर ब्याटिंग गर्दै ५ विकेट गुमाएर १५३ रन बनायो।
हंगकंगको लागि बाबर हायातले सर्वाधिक ४१ तथा किन्चित शाहले ४१ रन बनाए। जिशान अलिले अविजित २६ र स्कट म्याकेनीले अविजित १६ रन बनाए।
भारतको बलिंगमा अर्शदिप सिंह, भुवनेश्वर कुमार, रभीन्द्र जडेजा, आभेस खानले १/१ विकेट लिए।
टस हारेर ब्याटिंग गरेको भारतले २० ओभरमा २ विकेट क्षतिमा १९२ रन बनायो।
भारतको लागि सुर्यकुमार यादवले सर्वाधिक योगदान दिने क्रममा २६ बलमा ६ चौका र ६ छक्का मद्दतले ६८ रन बनाए।लामो समय पछि अर्धशतक बनाएका बिराट कोहलीले अविजित ५९ रन बनाए जुन क्रममा ४४ बलमा १ चौका र ३ छक्का प्रहार गरे। कोहली र यादवले तेश्रो विकेटको लागि अविजित १०२ रनको साझेदारी गरे। ओपनर केएल राहुलले ३६ तथा रोहित शर्माले २१ रन बनाए।
हंगकंग बलर आयुष शुल्क र मोहम्मद घजानफरले १/१ विकेट लिए। स्कोरकार्ड
प्रतियोगिता अन्तर्गत सेप्टेम्बर १ तारिख बिहिबार श्रीलंका र बंगलादेश बीच प्रतिस्पर्धा हुनेछ।
