T20WC : न्युजिल्यान्डको सेमीफाइनल सम्भावना बलियो, नामिबिया बाहिरियो

आफ्नो चौंथो खेलमा नामिबियालाई ५२ रनले सहजै पराजित गर्दै न्युजिल्यान्डले नेट रन रेटमा उल्लेख्य सुधारका साथ टि-ट्वान्टी विश्वकपको सेमीफाइनल पुग्ने सम्भावना बलियो बनाएको छ। नामिबिया भने चौंथो खेलमा तेश्रो हारपछि अघिल्लो चरण नपुग्ने पक्का भएको छ।

युएईको शारजाह स्टेडियममा सम्पन्न खेलमा नामिबियाले दिएको १६४ रनको लक्ष्य पछ्याएको नामिबियाले २० ओभ र ब्याटिंग गर्दै ७ विकेट क्षेतीमा १११ रन मात्र बनाउन सक्यो। उसको लागि माइकल भान लिंगेनले सर्वाधिक २५, जेन ग्रिनले २३, स्टेफेन बार्डले २१ तथा डेभिड विजाले १६ रन बनाए।

लक्ष्य पछ्याउने क्रममा माइकल लिंगेन र बार्डले ४७ रनको ओपनिंग साझेदारी गरे। आठौँ ओभरमा लिंगेन आउट भएपछि बार्ड र कप्तान इरास्मस लगातार आउट भए। चौंथो विकेटको लागि जेन ग्रिन र डेभिड विजाले ३१ रन जोडे। पन्ध्रौँ ओभरमा विजा आउट भएपछि न्युजिल्यान्ड खेलमा हावी बन्यो। फलस्वरुप ८६/३ को अवस्थाबाट नामिबियाले योगफलमा थप २५ रन मात्र बनाउन सक्यो। न्युजिल्यान्ड टिम साउदी ( ४-०-१५-२ ) र ट्रेन्ट बोल्टले ( ४-०-२०-२ ) ले समान दुई विकट तथा मिचेल स्यान्टनर ( ४-०-२०-१ ) , जेम्स निशम ( १-०-६-१ ) र इश सोढीले ( ३-०-२२-१ ) समान एक विकेट लिए।

यस अघि टस हारेर ब्याटिंग गरेको न्युजिल्यान्डले २० ओभरमा ४ विकेट क्षेतीमा १६३ रन बनाएको थियो। उसको लागि न फिलिप्सले सर्वाधिक ३९ रन बनाए जुन क्रममा अविजित रहँदै २१ बलमा १ चौका र ३ छक्का प्रहार गरे भने जेम्स निशमले २३ बलमा १ चौका र २ छक्का मद्दतले अविजित ३५ रन बनाए। यस्तै कप्तान केन विलियमसनले २८, डेरेल मिचेलले १९, मार्टिन गप्टिलले १८ तथा डेभोन कनवेले १७ रन बनाए।

८७ रनमा ४ विकेट गुमाएको अवस्थामा फिलिप्स र निशमले पाँचौ विकेटको लागि मात्र ३६ बलमा ७६ रनको साझेदारी गरे। दुई ब्याट्सम्यानले अन्तिम ५ ओभरमा ७३ रन बनाए।नामिबियाका बलर जेरार्ड इरास्मस ( ४-०-२२-१ ) , डेभिड विजा ( ४-०-४०-१ ) र बर्नार्ड स्कल्जले ( ३-०-१५-१ ) समान एक विकेट लिए।

अंकतालिका र सेमीफाइनल समीकरण 

जितपछि न्युजिल्यान्ड ४ खेलमा ३ जित र १ हार बेहोर्दै ६ अंक सहित अंकतालिकाको दोश्रो स्थानमा पुगेको छ। न्युजिल्यान्डको नेट रन रेट -०.८१६ बाट बढेर १.२७७ पुगेको छ। पहिलो स्थानमा रहेको पाकिस्तान ४ वटै खेलमा जित दर्ता गर्दै सेमीफाइनल पुगीसकेको छ। अफगानिस्तान ४ खेलमा २/२ जित हार बेहोर्दै ४ अंक सहित तेश्रो स्थानमा छ भने भारत ३ खेलमा १ जित र २ हार बेहोर्दै २ अंकको साथ चौंथो स्थानमा छ। नामिबिया र स्कटल्याण्ड सेमीफाइनल दौडबाट बाहिर भएका छन्।

न्युजिल्यान्डले सुपर-१२ चरणको अन्तिम खेलमा अफगानिस्तानलाई पराजित गरेमा सेमीफाइनल प्रवेश गर्नेछ। यदी अफगानिस्तान विजयी भएको खण्डमा तथा भारतले आगामी दुई खेलमा स्कटल्याण्ड र नामिबियालाई पराजित गरेमा तिन वटै टिमको ६ अंक हुनेछ र नेट रन रेटमा उत्कृस्ट हुने टिम सेमीफाइनल प्रवेश गर्नेछ।





थप समाचार

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]

गायकवाडको शतकमा लखनाउलाई २११ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा कप्तान ऋतुराज गायकवाडको शतकको सहयोगमा चेन्नई सुपर किंग्सले […]

गणेशमान सिंह राष्ट्रिय टी-२० च्याम्पियनशिप : बागमती र मधेशको जित

काठमाडौं । राजधानीमा संचालन भैरहेको पहिलो वीर गणेशमान सिंह राष्ट्रिय टी-२० च्याम्पियनशिप अन्तर्गत मंगलवारको भएको खेलमा मधेश प्रदेश र बागमती […]