बुम्राहको उत्कृस्ट बलिङ्ग बाबजुत म्याथुजको शतकले श्रीलंका सम्हाल्यो, भारतलाई २६५ रनको लक्ष्य

इंग्ल्याण्डमा जारि एकदिवसीय विश्वकप प्रतियोगिता अन्तर्गत ४४ औं खेलमा श्रीलंका र भारतले प्रतिस्पर्धा गरिरहेका छन्।

श्रीलंका विश्वकप सेमीफाइनल दौड बाट बाहिरीसकेको छ भने भारत सेमीफाइनल प्रवेश गरिसकेको छ। आजको खेलमा भारतले जित्यो र अहिले जारि अर्को खेलमा दक्षिण अफ्रीकाले अस्ट्रेलियालाई पराजित गर्यो भने भारत लिग चरणको उत्कृस्ट टिम हुनेछ भने अस्ट्रेलिया दोश्रो।

सेमीफाइनलमा लिग टप टिमले चौथो स्थानको टिम न्यूजील्याण्डसंग खेल्नेछ भने लिगमा दोश्रो हुने टिमले तेश्रो स्थानमा रहेको इंगल्यान्डको सामना गर्नेछ। श्रीलंका भने आज जित्दै अन्तिम खेलको जित सहित घर फर्कन चाहन्छ।

अंकतालिका 

हेडिंगले, लिड्समा श्रीलंकाले टस जितेर ब्याटिंग गर्दै श्रीलंकाले ५० ओभर ब्याटिंग गर्दै ७ विकेट गुमाएर २६४ रनको योगफल तयार पारेको छ।

खराब सुरुवात गर्ने क्रममा श्रीलंकन ओपनर डिमुथ करुनारत्ने १०, कुशल परेरा १८, अभिस्का फर्नान्डो २० तथा कुशल मेन्डिस ३ रन बनाएर आउट भए। करुनारत्ने र परेरालाई बुम्राहले विकेटकिपर धोनीबाट क्याच आउट गराए भने फर्नान्डोलाई हार्दिक पान्ड्याले धोनीबाटै क्याच तथा मेन्डिसलाई रभिन्द्र जडेजाले धोनीबाटै स्टम्प आउट गरे।

१२ औं ओभरमा ५५/४ को अवस्थाबाट अन्जेलो म्यथुज र लाहिरु थिरीमाले पाँचौ विकेटको लागि शतकीय साझेदारी गरे। १२४ रनको साझेदारी पछि थिरीमाने ५३ रन बनाएर आउट भए। कुलदिप यादबको बलमा क्याच आउट हुनु अघि उनले ६८ बलमा ४ चौका मदतले ५३ रन बनाए।

त्यसपछि पनि म्याथुजले एक किनार सम्हालीरहे र शतक पुरा गर्दै श्रीलंकाको योगफल २५० पार गराए। ४९ औं ओभरमा म्याथुज ११३ रन बनाएर जस्प्रित बुम्राहको बलमा आउट भए जस अघि उनले १२८ बलमा १० चौका र २ छक्का प्रहार गरे। एकदिवसीयमा म्याथुजको यो तेश्रो शतक हो।

धनन्जय डी सिल्भाले अविजित २९ रन बनाउदा श्रीलंकाले ५० ओभरमा ७ विकेट गुमाएर २६४ रन बनायो।

भारतको बलिंगमा जस्प्रित बुम्राहले उत्कृस्ट स्पेल गर्दै ३ विकेट लिन १० ओभरमा २ मेडन गर्दै ३७ रन मात्र खर्चिए। यस्तै भुवनेश्वर कुमार ( १०-०-७३-१ ) , हार्दिक पान्ड्या ( १०-०-५०-१ ), रभिन्द्र जडेजा ( १०-०-४०-१ ) र कुलदिप यादबले ( १०-०-५८-१ ) ले १/१ विकेट लिए।

बुम्राहको रेकर्ड 

बुम्राहले एकदिवसीय अन्तर्राष्ट्रिय क्रिकेटमा आफ्नो १०० विकेट पनि पुरा गरेका छन्। १०० विकेट पुरा गर्ने बुम्राह दोश्रो सबैभन्दा छिटो भारतीय क्रिकेटर बनेका छन्।

सबैभन्दा छिटो १०० एकदिवसीय विकेट लिने भारतीय बलर मोहम्मद शामी हुन् जसले ५६ खेलमा उक्त किर्तिमान बनाएका थिए। बुम्राहले १ खेल अबधि ५७ खेलमा १०० विकेट लिएका हुन्। एकदिवसीयमा सबैभन्दा छिटो १०० विकेट लिने बार अफगानिस्तानका राशिद खान हुन् जसले ४४ खेलमा उक्त विकेट लिएका थिए।  १०० विकेट पुरा गर्ने बुम्राह विश्वकप नवौं छिटो बलर हुन्।

खेलको फोटोहरु – 





थप समाचार

प्रधानमन्त्री कप भक्तपुर छनोट : पासा र बिसीसी विजयी

काठमाडौं । प्रधानमन्त्री कप क्रिकेट प्रतियोगिताको भक्तपुर छनोट खेलमा पासा क्रिकेट एकेडेमी र बिसीसी विजयी भएका छन् । मुलपानी मैदानमा […]

क्रिकेटर महरालाई ५० हजारको खेलकुद साधना सम्मान

हालै मलेसियामा सम्पन्न १९ वर्षमुनिको विश्वकप महिला क्रिकेट प्रतियोगिता खेल्नु भएकी धनगढीकी स्नेहा महरा ५० हजार पुरस्कार राशिको चैतन्य खेलकुद […]

राष्ट्रिय टिमको मुख्य प्रशिक्षकको लागि आवेदन खुला

नेपाली राष्ट्रिय क्रिकेट टोलीको मुख्य प्रशिक्षकको लागि आवेदन खुलेको छ । नेपाल क्रिकेट सङ्घ (क्यान) ले रिक्त रहेको प्रशिक्षक पदका […]

त्रिवि क्रिकेट मैदानमा प्यारापिट र फ्लडलाइट जडानका लागि बोलपत्र स्वीकृत

काठमाडौँको कीर्तिपुरमा रहेको त्रिवि अन्तर्राष्ट्रिय क्रिकेट मैदानमा अन्तर्राष्ट्रिय स्तरको प्यारापिट निर्माण र फ्लड लाइट जडानका लागि बोलपत्र स्वीकृत भएको छ […]

कोशी प्रिमियर लिग २०८१ को ट्रफी अनावरण

सुनसरी । कोशी टप्पु वन्यजन्तु आरक्ष र कोशी नदिको किनारमा कोशी प्रिमियर लिग २०८१ को ट्रफी अनावरण गरिएको छ । […]

एनसिएसएस रुपन्देहीको नेतृत्वमा नारायण अधिकारी , क्रिकेट प्रशिक्षक बसन्त शाही सम्मानित

माघ २९ नेपाली क्रिकेट समर्थक समाज (एनसिएसएस) रुपन्देहीले क्रीकेट प्रशिक्षक वसन्त शाही ठकुरीलाई सम्मान गरेको छ । यस्तै जिल्लाको आठौ […]