जिम्बावेमाथि भारतको सहज जित

काठमाडौं । पाँच खेलको टी-२० आई सिरिजका लागि जिम्बावे भ्रमणमा रहेको भारतीय टोलीले घरेलु टोलीमाथि दोस्रो खेलमा सहज जित हात पारेको छ ।

सिरिज अन्तर्गतको पहिलो खेलमा हार व्यहोरेको भारतले दोस्रो खेलमा घरेलु टोलीलाई १ सय रनको फराकिलो अन्तरले पराजित गर्यो ।

भारतले दिएको २ सय ३५ रनको लक्ष्य पछ्याएको घरेलु टोलीले १८ दशमलब ४ ओभरमा अल आउट हुदै १ सय ३४ रन मात्र बनाउन सक्यो ।

घरेलु टोलीका लागि वेस्ली माधिभेरीले ३९ बलमा ४३ तथा लुकि जुन्किवले २६ बलमा ३३ रन बनाए ।

भारतका लागि मुकेश कुमार र आबेश खानले समान तीन तीन तथा रवि बिष्नोईले दुई विकेट लिए ।

त्यसअघि टस जितेर पहिले ब्याटिङ गरेको भारतले ओपनर अभिसेक शर्माको शतकको सहयोगमा २० ओभरमा २ विकेट गुमाएर २ सय ३४ रन बनायो ।

भारतका लागि ओपनर शर्माले ४७ बलमा ७ चौका र ८ छक्काको सहयोगमा १ सय रनको शानदार शतकीय ईनिङ खेले । ऋतुराज गायकवाडले ४७ बलमा ११ चौका र १ छक्काको सहयोगमा अविजित ७७ तथा रिंकु सिंहले २२ बलमा अविजित ४८ रन बनाए ।

जिम्बावेका लागि ब्लेसिङ मुजवानी र वेलिङ्टन मासाकाट्जाले समान एक एक विकेट लिए ।

जितसँगै भारतले पाँच खेलको सिरिजमा १-१ को बराबरी गरेको छ ।





थप समाचार

रौतहट प्रिमियर लिगमा १६ टोलीको सहभागीता रहने

काठमाडौं । रौतहट प्रिमियर लिग (आरपिएल) २०२४ मा १६ क्लबको सहभागीता हुने भएको छ । बुबा ममी इभेन्ट्स तथा स्पोर्टस […]

क्रिकेट प्रशिक्षक प्रशिक्षण कार्यक्रम सम्पन्न

काठमाडौं । सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रीकेट एकेडेमीको समन्वयमा सिन्धुपाल्चोकमा रहेका सामुदायिक तथा सस्थागत बिधालयका खेल […]

एन्डरसनको बिदाई खेलमा इंग्ल्यान्डको जित

काठमाडौं । तीव्र गतिका बलर जेम्स एन्डरसनको बिदाइ खेलमा वेस्ट इन्डिजविरुद्धको पहिलो टेस्ट इंग्ल्यान्डले एक इनिङ १ सय १४ रनको […]

पूर्व मुख्य प्रशिक्षक टमाटा सम्मानित

काठमाडौं । नेपाली राष्ट्रिय पुरुष क्रिकेट टोलीका पूर्व मुख्य प्रशिक्षक जगत टमाटा सम्मानित भएका छन् । टमाटालाई इलाइट मुभर्स एजुकेसन […]

आसिफ इलाइट मुभर्स एजुकेसनको ब्रान्ड एम्बासडर

काठमाडौं । नेपाली राष्ट्रिय क्रिकेट टोलीका ओपनर आसिफ शेख इलाइट मुभर्स एजुकेसन कन्सल्टेन्सीको ब्रान्ड एम्बासडरमा नियुक्त भएका छन् । हाललाई […]

महिला एसिया कप : पहिलो संस्करण दुई टोलीबीचको सिरिज

काठमाडौं । सन् २००४ मा पहिलो संस्करणको एसीसी महिला एसिया कप भएको मानिए पनि २००४ को सो एसिया कप केबल […]