नेपाल ह्व्लिचेयर क्रिकेट संघको आयोजनामा भारत र नेपाल बीच टी– २० अन्तर्राष्ट्रिय फिजिकल्ली च्यालेन्ज क्रिकेट (स्टेन्डिङ क्रिकेट) को शृखंला शुक्रबारदेखि सुरु हुने भएको छ ।
तीन खेलको शृंखला जेठ २७ देखि ३० गतेसम्म मुलपानीमा हुने बुधबार आयोजित पत्रकार सम्मेलनमा आयोजकका अध्यक्ष छुल्टिम शेर्पाले जानकारी गराए । प्रतियोगिताको अनुमानित बजेट २२ लाख रुपैयाँ रहेको छ।
सिरिजमा २७ ,२८ र २९ गते तीन खेल हुनेछन् । आयोजकका अनुसार मौसमले साथ दिएमा अन्तिम दिन विशेष किसिमको क्रिकेट समेत हुने छ ।
प्रायोजकमा गरिमा बैंक, एसबीआई बैंक, फ्रिडम कार्गो, सगरमाथा मल्टिपल कलेज, बोधीसत्व विहारलगायत रहेका छन्।
स्ट्यान्डिङ टोलीका कप्तान रामप्रसाद खरेलले भारत बिरुद्ध खेल्न तयारी राम्रो रहेको बताए – “भारत राम्रो टोली हो । उनीहरुले लामो समयदेखि खेल्दै आएका छन् । हामीले २०१७ देखि सुरु गरेका हौँ । जित्छौँ भनेर भन्दा पनि हामी राम्रो खेल्छौँ”
