- विकेटनेपाल, माघ १२ – शुक्रबार
बंगलादेशलाई १३१ रनले पराजित गर्दै भारतले यु-१९ बिश्वकपको सेमीफाइनलमा स्थान बनाएको छ। यस अघिनै अफगानिस्तान, पाकिस्तान र अस्ट्रेलिया सेमीफाइनल प्रवेश गरिसकेका छन्।
जनवरी ३० मा सेमीफाइनलमा भारतले पाकिस्तानको सामना गर्नेछ भने जनवरी २९ मा अस्ट्रेलियाले अफगानिस्तानको सामना गर्नेछ। क्वार्टरफाइनलमा पाकिस्तानले दक्षिण अफ्रीकालाई, अफगानिस्तानले न्युजिल्याण्डलाई तथा अस्ट्रेलियाले इंग्ल्याण्डलाई पराजित गरेको थियो।
India have beaten Bangladesh by 131 runs to clinch the fourth and final spot in the #U19CWC semi-finals!
????? – 29 Jan @ Hagley Oval
????? – 30 Jan @ Hagley Oval pic.twitter.com/WlX5zbD1fC— ICC (@ICC) January 26, 2018
भारत पहिलो इनिंग
क्विन्सटाउनमा भएको खेलमा टस जितेर ब्याटिंग गरेको भारतले ४९.२ ओभरमा सबै विकेट गुमाएर २६५ रनको योगफल तयार पारेको थियो।
भारतका लागि कप्तान पृथ्वी शा र शुब्मन गिलले १६/१ बाट दोश्रो विकेटको लागि ८६ रनको साझेदारी गरेका थिए । पृथ्वीले ४० रन बनाउन ५४ बलमा ५ चौका तथा शुब्मन गिलले ८६ रनको पारि खेल्नेक्रममा ९४ बलमा ९ चौका प्रहार गरे।
तेस्रो विकेटको लागि पनि गिलले हार्विक देसाईसँग मिलेर ७४ रनको साझेदारी गरे । हार्विक देसाईले ३४ रन बनाउन १ चौका प्रहार गर्दै ४८ बल खेले।
त्यसपछि १८१ रनको स्कोरमा चौथो विकेटको रुपमा सुब्मन गिल आउट भएपछी भारतको पारि सम्हाल्न अभिषेक शर्माले आफ्नो यु-१९ एकदिवसीय करियरको पहिलो अर्धशतक प्रहार गरे । उनले ५० रन बनाउन ४९ बलमा ६ चौका प्रहार गरे।
तल्लोक्रमका ब्याट्सम्यानले रन बनाउन नसक्दा भारत राम्रो सुरुवातका बाबजुत ठुलो स्कोर बनाउन सकेन। बंगलादेशका लागि काजी ओनिकले ३ विकेट लिनेक्रममा ४८ रन खर्चिए भने नयीम हसन र सैफ हसनले समान २/२ विकेट हात पारे ।
बंगलादेशको ब्याटिंग
२६६ रन लक्ष पछ्याएको बंगलादेशले निरन्तर अन्तरालमा विकेट गुमाएपछि ४२.१ ओभर खेले पनि १३४ रन मात्रै बनाई सबै विकेट गुमायो।
ओपनर पिनाक घोषले सर्बाधिक ४३ रन बनाउदा अन्य ब्याट्सम्यानहरुले उल्लेख्य योगदान दिन असमर्थ रहे।
अनुसाशित बलिंग गर्ने क्रममा कमलेश नगरकोटीले सर्बाधिक ३ विकेट ( ७.१-१-१८-३ ) तथा शिभम माभी र अभिषेक शर्माले २/२ विकेट हात पारे।
( फोटोहरु – आईसीसी )
