काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकप क्रिकेटमा आज (बुधबार) भारत र अमेरिका भिड्दै छन् ।
विश्वकपको २५ औं खेलमा समूह ए मा रहेका भारत र अमेरिका नेपाली समय अनुसार बुधबार बेलुका सवा आठमा अमेरिकाको न्युर्योकमा खेल्दैछन् ।
पहिलो दुवै खेलमा विजयी भएका भारत र अमेरिका यस खेल जितेर सुपर आठमा स्थान बनाउँने लक्ष्यमा छन् ।
नवौं संस्करणको यस विश्वकपमा पहिलो पहिलो पटक २० राष्ट्रको सहभागीता रहेको छ । सहभागी २० राष्ट्रलाई चार समूहमा विभाजन गरिएको छ ।
समूह ए मा भारत र अमेरिकाका अलावा आयरल्यान्ड, पाकिस्तान र क्यानडा तथा समूह बी मा अस्ट्रेलिया, इंग्ल्यान्ड, स्कटल्यान्ड, नामिबिया र ओमान छन् ।
समूह सी मा वेस्ट इन्डिज, न्युजिल्यान्ड, अफगानिस्तान, युगान्डा र पपुवा न्यु गिनी तथा समूह डीमा नेपाल, नेदरल्यान्ड्स, दक्षिण अफ्रिका, श्रीलंका र बंगलादेश छन् ।
हरेक समूहका शीर्ष दुई टोलीले सुपर आठमा स्थान बनाउने छन् । सुपर आठमा पनि दुई समूह हुनेछ । यसका हरेक समूहका शीर्ष दुई टोलीले सेमिफाइनलमा स्थान बनाउँने छन् ।
सेमिफाइनलका विजेता टोलीले फाइनलमा स्थान बनाउँदा फाइनलमा विजयी बन्ने टोलीले यस संस्करणको उपाधी जित्नेछ ।
https://youtu.be/WMCBlyYGgk8?si=bDHkj5Txcy6xrcMe
