- विकेटनेपाल- माघ २६
भारतमा जारि दृस्टीबिहिन टि-२० बिश्वकपमा नेपाली क्रिकेट टिमको प्रदर्शन निराशाजनक रह्यो l आफ्नो आठौ खेलमा भारतसंग १५२ रनको बिशाल अन्तरले पराजित भएको नेपालले ८ मध्ये ७ खेलमा हार बेहोर्न पुग्यो l दक्षिण अफ्रीकासंगको एक जित हात पारेको नेपाली टिमले प्रतियोगितामा गरेको प्रदर्शनले त कमैको ध्यान तान्न सक्यो तर भारत र नेपाल बीचको खेल पछिको एक घटनाले भने सबैको ध्यान आकर्षित गरेको छ l
नेपाल र भारत बीचको खेलपछि मैदानमा त्यस्तो दृश्य देखियो जुन बिश्व खेलकुदमा बिरलै देखिने गर्छ l
खेल सकिएपछिको खाली समयमा भारतीय टिमले नेपाली गितमा छमछमी नाच्यो l मैदानमा एक-अर्कालाई पराजित गर्न कुनै कसर बाँकी नराख्ने दुई टिम एक अर्कासंग हातमा हात मिलाउदै नाचेको दृश्य अत्यन्तै मनमोहक रह्यो l
मैदानमै उपस्थित अन्नपूर्ण पोस्टका खेल पत्रकार दिपेन्द्र गुरुङले उक्त भिडियो खिचेर आफ्नो फेसबुकमा राखेपछि भिडियो हेर्ने र शेयर गर्नेको संख्या बढ्दो छ l पत्रकार गुरुङका अनुसार खेल पछि नेपाली टिमले पनि भारतीय गितमा नाचेको थियो l
“हाम्रो गाउँमा भट्टीको पसल छ, पसल गर्ने साहिली झन् असल छ,
मासु मिठो भालेको माछा तारेको, लेउलेउ साहिली दुई बोतल घरमै पारेको”
यही गितमा भारतीय टिम र नेपाली टिम नाचीरहेको दृश्यले जो-कसैको पनि हृदय छुन बेर लाग्दैन l शब्दले जे भनोस्, शब्द भन्दा गितसंगै नाचेको भारतीय र नेपाली टिमको मित्रता र एकअर्का प्रतिको सम्मानले खेलकुदले दिनु पर्ने वास्तविक मित्रताको सन्देस दिएको छ l
आँखाले दृस्टी बिहिन भएपनि भारतीय र नेपाली दृस्टीबिहिन टिमले सम्पूर्ण खेल प्रेमीहरुको भने आँखा खोल्ने काम गरेको छ l
