IPL : कोलकाता बिरुद्ध हैदरावादको शानदार जित

कोलकाता नाइट राइडर्सलाई ७ विकेटले पराजित गर्दै सनराइजर्स हैदरावाद इन्डियन प्रिमियर लिग ( आईपीएल ) अंकतालिकाको सातौँ स्थानमा उक्लेको छ।

मुम्बईको ब्राबर्न स्टेडियममा कोलकाताले दिएको १७६ रन लक्ष हैदरावादले १३ बल बाँकी रहँदै ३ विकेट क्षतिमा भेटायो।

हैदरावादको जितमा राहुल त्रिपाठीले ७१ तथा एडेन मारक्रमले अविजित ६८ रन बनाए। त्रिपाठीले ३७ बलमा ४ चौका र ६ छक्का तथा मारक्रमले ३६ बलमा ६ चौका र ४ छक्का प्रहार गरे।

ओपनर अभिषेक शर्मा र केन विलियमसन छिट्टै आउट हुँदा दबाबमा राहुल त्रिपाठी र एडेन मारक्रमले तेश्रो विकेटको लागि ९४ रनको साझेदारी गर्दै जितको आधार तयार गरे। त्रिपाठीको विकेट पछि मारक्रमले निकोलस पुरनसंग ४३ रनको साझेदारी गरे। कोलकाताका बलर आन्द्रे रसेलले २ तथा प्याट कमिन्सले १ विकेट लिए।

टस हारेर ब्याटिंग गरेको कोलकाताले २० ओभरमा ८ विकेट क्षतिमा १७५ रन बनायो। उसको लागि नितिश रानाले ५४, आन्द्रे रसेलले ४९ तथा श्रेयस ऐयरले २८ रन योगदान दिए। रसेलले मात्र २५ बलमा ४ चौका र ४ छक्का प्रहार गरे।

हैदरावादको बलिंगमा टि नटराजनले ३ ( ४-०-३७-३ ) विकेट लिंदा उम्रान मलिकले २ तथा भुवनेश्वर कुमार, मारको जान्सेन र जे सुचितले १/१ विकेट लिए।

पाँचौ खेलमा तेश्रो जित पछि ६ अंक सहित सनराइजर्स हैदरावाद लिग अंकतालिकाको सातौँ स्थानमा छ। समान अंक रहेका राजस्थान, पन्जाब, कोलकाता, लखनउ र बैंगलोर क्रमशः दोश्रो देखि छैठौं स्थानमा छन्। ६ खेल खेल्दा दोश्रो हार पश्चात पनि कोलकाता ६ अंक सहित दोश्रो स्थानमा यथावत छ।

अंकतालिका 

 





थप समाचार

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]

गायकवाडको शतकमा लखनाउलाई २११ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा कप्तान ऋतुराज गायकवाडको शतकको सहयोगमा चेन्नई सुपर किंग्सले […]