इन्डियन प्रिमियर लिगको १३ औं सिजन युएईमा १९ सेप्टेम्बर देखि सुरुहुँदैछ। प्रतियोगिता नजिकिँदै जाँदा लिगमा सहभागी सबै ८ टिमले तयारी सुरु गरिसकेका छन्। फ्यानहरुलाई पनि आईपीएलको व्यग्रताका साथ प्रतीक्षा रहेको छ। त्यस्तै खेलाडीहरु पनि लामो समयको प्रतिक्षा पछि मैदान प्रवेश गर्न लालायित रहेका छन्। आईपीएलका सहभागी हुन आउने भारत बाहिरका खेलाडीहरु लिगको हिस्सा हुन लालायित छन् तर केहि यस्ता खेलाडीहरु छन् जो लिगको पहिलो साता खेल्न पाउनेछैनन्।
इंग्ल्यान्ड र अस्ट्रेलिया बीच सेप्टेम्बरमा एकदिवसीय र टि-२० सिरिज हुने तय भएका कारण दुइ देशका खेलाडीहरुले आईपीएलको सुरुवाती खेलहरु गुमाउने भएका हुन्। ४ सेप्टेम्बरबाट सुरु हुने सिरिज १६ सेप्टेम्बरमा समाप्त हुनेछ। सिरिज अन्तर्गत तिन वटा टि-२० र तिन वटा वानडे खेलिनेछ।
इंग्ल्यान्ड र अस्ट्रेलिया बीच सिरिज समाप्त भएपछि खेलाडीहरु युएई प्रस्थान गर्नेछन्। युएई पुगेपछि खेलाडीहरुले ६ दिन अनिवार्य क्वारेन्टाइनमा बस्नु पर्ने हुँदा टिमसंग ढिलो जोडिन पाउनेछन्।
इंग्ल्यान्डले बेन स्टोक्स, जोस बटलर, जोफ्रा आर्चर जस्ता खेलाडीहरुलाई आयरल्याण्ड बिरुद्ध वानडेमा मौका नदिएता पनि अस्ट्रेलिया बिरुद्ध सिरिजमा जरुर मौका दिनेछ। सिरिज सकिएपछि मात्र यी खेलाडीहरु आईपीएल खेल्न जानेछन्। अर्कोतर्फ अस्ट्रेलियाका आरोन फिन्च, डेभिड वार्नर, स्टिभ स्मिथ, ग्लेन म्याक्सवेल जस्ता खेलाडीहरु पनि लिगमा ढिलो जोडिनेछन्।
मुम्बई मात्र एउटा टिम हुनेछ जसको सबै जना खेलाडीहरु सुरुवात देखि टिमसंग जोडिनेछन्। अन्य ७ टिमका कुल २१ जना खेलाडीहरुले लिग खेल्न केहि दिन प्रतीक्षा गर्नुपर्नेछ।
खेलाडीहरु ढिला पुग्दा सबैभन्दा धेरै असर राजस्थान रोयल्सलाई पुग्नेछ। राजस्थानमा जोस बटलर, स्टिभ स्मिथ, जोफ्रा आर्चर, बेन स्टोक्स, एन्ड्रु टाई, टम कुरान जस्ता खेलाडीहरु रहेका छन् जसले सुरुवाती खेल गुमाउनेछन्।
कुन टिमका को-को खेलाडी ढिलो टिमसंग जोडिनेछन् :-
चेन्नाई सुपर किंग्स – जोश हेजलवुड, स्याम करन
कोलकाता नाइट राइडर्स – प्याट कमिन्स, ओएन मोर्गन, टम बान्टन
मुम्बई इन्डीएन्स – कुनै पनि खेलाडी छैनन्
सनराइजर्स हैदराबाद – डेभिड वार्नर, जोनी बेयरस्टो, मिचेल मार्श
रोयल च्यालेन्जर्स बैंगलोर – मोएन अलि, आरोन फिन्च, जोश फिलिप, केन रिचर्डसन
दिल्ली क्यापिटल्स – जेसन रोय, एलेक्स हेल्स, मार्कस स्टोइनिश
राजस्थान रोयल्स – जोस बटलर, स्टिभ स्मिथ, जोफ्रा आर्चर, बेन स्टोक्स, एन्ड्रु टाई, टम कुरान
सम्बन्धित :-
शोयब अख्तरको दावी, यस कारण बुम्राहको क्रिकेट करियर धेरै लामो चल्ने छैन
२०२० मा नेपालले विश्वकप लिग-२ को खेल नखेल्ने, सर्ने भयो प्रशिक्षण
लामो समय देखि रोकिएको क्रिकेटरहरुको तलब दिन क्यानले प्रक्रिया थाल्यो
