इन्डियन प्रिमियर लिगको १४ औं संस्करण सुरु हुनु अघि खेलाडीहरुमा कोरोना कहर जारि रहेको छ। प्रतियोगिता अघि कोलकाता नाइट राइडर्सका नितिश राना, दिल्ली क्यापिटल्सका अक्षर पटेल र अब रोयल च्यालेन्जर्स बैंगलोरका देभदत्त पडीक्कलमा पनि कोरोना पोजेटिभ देखिएको छ।
टेस्ट पोजेटिभ आएपछि पडीक्कल हाल क्वारेन्टाइनमा रहेका छन्। बैंगलोरले लिगको उद्घाटन खेल अप्रिल ९ तारिखमा डिफेन्डिङ च्याम्पियन मुम्बई इन्डीएन्ससंग खेल्दैछ। श्रोतका अनुसार कोरोना संक्रमित पडीक्कलले बैंगलोरले खेल्ने लिगको पहिलो २ खेल गुमाउन सक्नेछन्।
आईपीएल अघि विजय हजारे ट्रफीमा उत्कृस्ट लयमा रहेका पडीक्कलले ७ खेलमा १४७.४० को औशतले ७३७ रन बनाएका थिए। लिगको युएईमा सम्पन्न अघिल्लो सिजन उत्कृस्ट लय देखाएका पडीक्कलले १५ खेलमा ४७४ रन बनाएका थिए जुन क्रममा ५ वटा अर्धशतक प्रहार गरेका थिए।
भारतीय मिडियाहरुका अनुसार प्रतियोगिता अघि मुम्बईको वान्खडे स्टेडियमका ८ देखि १० जना स्टाफहरुमा कोरोना पोजेटिभ देखिएको छ। यस्तै प्रतियोगिता व्यवस्थापन गरिरहेको कम्पनिको ८ जना सदस्यमा पनि कोरोना पोजेटिभ देखिएको छ। भारतीय क्रिकेट बोर्डले समेत त्यसलाई स्वीकार गरिसकेको छ।
धेरैले पढेको
https://wicketnepal.com/ipl-2021-3-players-likely-to-miss/
https://wicketnepal.com/chennai-jhatka-ipl-21-jh-nam-firta/
