१४ औं संस्करणको इन्डीएन प्रिमियर लिगको उद्घाटन खेल शुक्रबार चेन्नाईको एमए चिदम्बरम स्टेडियम चेन्नाईमा सुरु हुँदैछ। उद्घाटन खेलमा गत सिजन आईपीएल विजेता टिम रोहित शर्मा कप्तानीको मुम्बई इन्डीएन्स र बिराट कोहली कप्तानीको रोयल च्यालेन्जर्स बैंगलोर बीच प्रतिस्पर्धा हुँदैछ।
खेलमा टस जितेर बिराट कोहलीले मुम्बईलाई ब्याटिंगको निम्तो दिएको छ। खेल नेपाली समय ७:४५ बजे सुरु हुँदैछ।
बैंगलोरको लागि ग्लेन म्याक्सवेल, कायल जेमीसन र ड्यानियल क्रिस्चियनले डेब्यु गर्ने भएका छन्। कोरोना मुक्त भएता पनि देभदत्त पडीक्कललाई बैंगलोरले बाहिर राखेको छ जसको स्थानमा रजत पटिदारलाई मौका दिईएको छ।
रोयल च्यालेन्जर्स बैंगलोरको अन्तिम ११ : बिराट कोहली ( कप्तान ) , रजत पटिदार, एबि डी भिल्लीयर्स ( विकेटकिपर ) , ग्लेन म्याक्सवेल, ड्यानियल क्रिस्चियन, वासिंगटन सुन्दर, कायल जेमिसन, शाहबाज एहमद, हर्षल पटेल, मोहम्मद सिराज, युजभेन्द्र चहल
मुम्बईले अन्तिम-११ मा क्रिस लिन र मार्को जान्सेनलाई मौका दिएको छ।
मुम्बई इन्डीएन्सको अन्तिम ११ : रोहित शर्मा ( कप्तान ) , क्रिस लिन, सूर्यकुमार यादव, इशान किशन ( विकेटकिपर ) , हार्दिक पान्ड्या, काईरन पोलार्ड, क्रुनाल पान्ड्या, मार्को जान्सेन, राहुल चहार, ट्रेन्ट बोल्ट, जस्प्रित बुम्राह
गत संस्करणको युएईमा सम्पन्न १३ औं आईपीएलमा मुम्बई र बैंगलोरले १-१ खेल जितेका थिए। एउटा खेल बैंगलोरले सुपर ओभरमा जित्न सफल भएको थियो भने अर्को खेलमा मुम्बई ५ विकेटले विजयी भएको थियो।
आईपीएल २०२० मा मुम्बई लिग चरणको अंकतालिकामा पहिलो स्थानमा रहँदै प्लेअफ प्रवेश गर्नसफल भएको थियो र उपाधिनै जितेको थियो। अर्कोतर्फ बैंगलोर अंकतालिकाको चौथो स्थानमा रहँदै इलिमीनेटरबाट बाहिर भएको थियो।
यो पनि पढ्नुस
https://wicketnepal.com/14th-ipl-aaja-suru-hundai-sampurna-jank/
https://wicketnepal.com/chennai-repl-behrendorff-wn21/
https://wicketnepal.com/sikkim-e-div-league-police-1st-m/
