IPL : धवनले उत्कृस्ट ब्याटिंग गर्दा दिल्लीको दोश्रो जित

शिखर धवनले उत्कृस्ट ब्याटिंग गर्दा १४ औं आईपीएल अन्तर्गत एघारौँ खेलमा दिल्ली क्यापिटल्सले पन्जाब किंग्सलाई ६ विकेटले पराजित गरेको छ।

लिगमा तेश्रो खेल खेल्ने क्रममा दिल्लीको यो दोश्रो जित हो भने समान खेल खेल्दा पन्जाबको यो दोश्रो हार हो।

मुम्बईको वानखेडे स्टेडियममा सम्पन्न खेलमा पन्जाबले दिएको १९६ रनको लक्ष्य दिल्लीले ४ विकेट गुमाएर १० बल बाँकी रहँदै पुरा गर्यो।

दिल्ली ओपनर पृथ्वी श र शिखर धवनले ५९ रनको ओपनिंग साझेदारी गरे। १७ बलमा ३ चौका र २ छक्का मद्दतले ३२ रन बनाएका पृथ्वी छैठौं ओभरमा अर्शदिप सिंहबाट आउट भए। धवनले दोश्रो विकेटको लागि स्टिभ स्मिथसंग ४८ रन जोडे। समित मात्र ९ रन बनाएर ११ औं ओभरमा राइली मेरेडीथबाट क्याच आउट भए।

तेश्रो विकेटको लागि धवनले कप्तान रिशभ पन्तसंग ४५ रनको साझेदारी गरे। शतक बाट ८ रनले चुक्दै धवन १५ औं ओभरमा झाई रिचर्डसनबाट बोल्ड हुन पुगे। धवनले ४९ बलमा १३ चौका र २ छक्का मद्दतले ९२ रन बनाए।

त्यसपछि रिशभ पन्त र मार्कस स्टोइनिस बीच २८ रनको साझेदारी भयो। १८ औं ओभरमा १५ रन बनाएर पन्त रिचर्डसनबाट क्याच आउट भए। तर स्टोइनिसले आक्रामक सटहरु खेल्दै दिल्लीलाई जितको दिशा दिए।

स्टोइनिसले अविजित २७ रन बनाउने क्रममा १३ बलमा ३ चौका र १ छक्का प्रहार गरे। ललित यादवले ६ बलमा २ चौका मद्दतले अविजित १२ रन बनाए।

पन्जाबको बलिंगमा झाई रिचर्डसनले २ विकेट ( ४-०-४-१२ ) लिए भने अर्शदिप सिंह ( ३-०-२२-१ ) र राईलि मेरेडीथले ( २.२-०-३५-१ ) समान १ विकेट लिए।

यस अघि टस हारेर ब्याटिंग गरेको पन्जाबले निर्धारित २० ओभरमा ४ विकेट गुमाएर १९५ रन बनाएको थियो।

पन्जाबको सुरुवात उत्कृस्ट रह्यो। कप्तान केएल राहुल र मायाँक अग्रवालले शतकीय ओपनिंग साझेदारी गरे।

१३ औं ओभरमा लुक्मन मेरीवालाबाट क्याच आउट हुनु अघि दुई ब्याट्सम्यानले १२२ रन जोडे। अग्रवालले मात्र ३६ बलमा ७ चौका र ४ छक्का मद्दतले ६९ रन बनाए। १६ औं ओभरमा केएल राहुललाई कागीसो रबाडाले क्याच आउट गराए जस अघि उनले ५१ बलमा ७ चौका र २ छक्का मद्दतले ६१ रन बनाए।

राहुल र अग्रवालले शतकीय साझेदारी गरे

त्यसपछि क्रिस गेल मात्र ११ रन बनाएर क्रिस वोक्सबाट तथा निकोलस पुरन ९ रन बनाएर आभेस खानबाट क्याच आउट भए।

दिपक हुडा र शाहरुख खानले आक्रमक ब्याटिंग गर्दै टिमलाई विशाल योगफलतर्फ डोर्याए। खानले मात्र ५ बलमा २ चौका र १ छक्का मद्दतले अविजित १५ रन बनए भने हुडाले १३ बलमा २ छक्का मद्दतले अविजित २२ रन बनाए। अन्तिम ५ ओभरमा पन्जाबले ३ विकेट गुमाउदा ५४ रन बनायो।

दिल्लीको बलिंगमा क्रिस वोक्स ( ४-०-४२-१ ), लुक्मन मेरिवाला ( ३-०-३२-१ ) , कागीसो रबाडा ( ४-०-४३-१ ) र आभेस खान ( ४-०-३३-१ ) ले समान १ विकेट लिए।

लिग अन्तर्गत आज सम्पन्न पहिलो खेलमा बैंगलोरले कोलकातालाई पराजित गरेको गरेको थियो।

यो पनि पढ्नुस 

IPL : लगातार तेश्रो जित पछि बैंगलोर शिर्षस्थानमा

ट्राई सिरिज : नेपाल र मलेसिया बीच पछिल्लो ५ खेलको नतिजा

प्रतिस्पर्धात्मक खेलमा नेदरल्याण्डद्वारा मलेसिया १५ रनले पराजित





थप समाचार

फाइनल खेलमा नेपालको सम्भावित प्लेईङ-११

काठमाडौं । मंगलबार नेपाल, नामिबिया र नेदरल्यान्ड्स सम्मिलित टी-ट्वान्टी आईको फाइनल खेलमा नेपाल र नेदरल्यान्ड्स खेल्दै छन् । नेपाल र […]

नेदरल्यान्ड्स र नेपाल फाइनलमा भिड्दै, यस्तो छ ईतिहास

काठमाडौं । काठमाडौंमा जारी नेपाल, नामिबिया र नेदरल्यान्ड्स सहभागी त्रिदेशीय टी-ट्वान्टी आई सिरिजको फाइनल खेलमा घरेलु टोली र नेदरल्यान्ड्सले मंगलबार […]

नेपालसँग खेल्ने आयरल्यान्ड वल्भ्सको टोली घोषणा, सिरिज मार्च २४ बाट

काठमाडौं । नेपाली सिनियर राष्ट्रिय टोली तथा नेपाल ए सँग खेल्ने आयरल्यान्ड वल्भ्सको टोली घोषणा भएको छ । आइतबार क्रिकेट […]

नेदरल्यान्ड्स र नेपालले फाइनल खेल्ने

काठमाडौं । नेपाल र नेदरल्यान्ड्सले त्रिदेशीय टी-ट्वान्टी आई सिरिजको फाइनलमा भिड्ने भएका छन् । वर्षाका कारण नामिबिया र नेदरल्यान्ड्सको खेल […]

नेदरल्यान्ड्सले टस जित्यो

काठमाडौं । नेदरल्यान्ड्सले नामिबियाविरुद्धको खेलमा टस जितेको छ । टियु क्रिकेट मैदानमा कीर्तिपुरमा नेदरल्यान्ड्सका कप्तान स्कट एडवार्डले टस जितेर बलिङ […]

हङकङ सिरिजका लागि नेपाली टोलीको घोषणा, आकाशलाई पहिलो पटक मौका

काठमाडौं । हङकङमा आयोजना हुने त्रिदेशीय टी-ट्वान्टी सिरिजका लागि नेपाली टोली घोषणा भएको छ । फागुन २७ बाट सुरु हुने […]