काठमाडौं । १७ औं संस्करणको इन्डियन प्रिमियर लिग (आईपीइल) अन्तर्गतको ६५ औं खेलमा राजस्थान रोयल्समाथि पञ्जाब किंग्सले जित निकालेको छ ।
राजस्थानको घरेलु मैदान गुवाहाटीमामा पञ्जाबले ५ विकेटको जित हात पार्यो ।
राजस्थानले दिएको १ सय ४५ रनको लक्ष्य पञ्जाबले १८ दशमलब ५ ओभरमा ५ विकेट गुमाएर पूरा गर्यो ।
पञ्जाबका लागि कप्तान साम करनले ४१ बलमा ५ चौका र ३ छक्का सहित अविजित ६३ रनको अर्धशतकीय इनिङ खेले । राईलि रुसो र जितेश शर्माले समान २२/२२ रन बनाए । आशुतोष शर्माले १७ रन जोडे ।
राजस्थानका लागि आभेस खान र युजभेन्द्र चहलले समान २/२ तथा ट्रेन्ट बोल्टले १ विकेट लिए ।
त्यसअघि टस जितेर ब्याटिङ गरेको राजस्थानले निर्धारित २० ओभरमा ९ विकेटको गुमाएर १ सय ४४ रन बनाएको थियो ।
राजस्थानका लागि रियान परागले ३४ बलमा सर्वाधिक ४८ रन बनाए । रविचन्द्रन आश्विनले २८ रन बनाउँदा कप्तान सञ्जु सामसन र टम कोहलर-क्याडमोरले समान १८ रन बनाए ।
पञ्जाबका स्याम करन, हर्शल पटेल र राहुल चहरले २/२ तथा अर्शदिप सिंह र नेथन एलिसले १/१ विकेट लिए ।
जित पश्चात यसअघि नै प्लेअफ दौडबाट बाहिरिएको पञ्जाबको १३ खेलमा १० अंक पुगेको छ । प्लेअफमा पुगिसकेको राजस्थानको १३ खेलमा १६ अंकका साथ दोस्रो स्थानमा छ ।
