चलेन पन्जाबको ब्याटिंग, हैदरावादलाई १२७ रनको लक्ष्य

युएईमा जारि १३ औं आईपीएल अन्तर्गत शनिवारको दोश्रो तथा लिगको ४३ औं खेलमा किंग्स-११ पन्जाब र सनराइजर्स हैदरावादले प्रतिस्पर्धा गरिरहेका छन्।

दुबई अन्तर्राष्ट्रिय स्टेडियममा जारि खेलमा टस हारेर ब्याटिंग गरेको पन्जाबले ब्याटिंग गर्न मुस्किल देखिएको विकेटमा निर्धारित २० ओभरमा ७ विकेट गुमाएर १२६ रन बनाउदै हैदरावादलाई १२७ रनको लक्ष्य प्रस्तुत गर्यो।

पन्जाबको लागि निकोलस पुरनले सर्वाधिक ३२ रन बनाए जुन क्रममा अविजित रहने क्रममा २८ बलमा २ चौका प्रहार गरे। केएल राहुलले २७ रन, क्रिस गेलले २० रन, मन्दिप सिंहले १७ रन तथा ग्लेन म्याक्सवेलले १२ रन बनाए।

निकोलस पुरन

पन्जाबको लागि मायाँक अग्रवालको स्थानमा मौका पाएका ओपनर मन्दिप सिंहसंग कप्तान राहुलले ३७ रनको ओपनिंग साझेदारी गरे। पाँचौ ओभरमा सन्दिप शर्माले साझेदारी तोड्ने क्रममा सिंहलाई क्याच आउट गराए। त्यसपछि राहुलले क्रिस गेलसंग २९ रनको साझेदारी गरे। दशौँ ओभरमा गेललाई जेसन होल्डरले क्याच आउट गराएर साझेदारी तोडे।

त्यसपछि पन्जाबले लगातार विकेट गुमाउन पुग्यो। ११ औं ओभरको पहिलो बलमा राहुललाई राशिद खानले बोल्ड गरे। ग्लेन म्याक्सवेल १२ रन बनाएर सन्दिपको दोश्रो शिकार बने। लगत्तै ओभरमा खाता नखोलेका दिपक हुडालाई राशिदले स्टम्प आउट गराए।

चौथो नम्बरमा आएका निकोलस पुरनले एक किनार सम्हालेर अन्तिमसम्म ब्याटिंग गरे। त्यसपछि तल्लो क्रममा क्रिस जोर्डन ( ७ ) र मुरुगन आश्विन ( ४ ) ले खास योगदान दिन सकेनन्। अन्तिम ५ ओभरमा पन्जाबले २ विकेट गुमाउदा ३८ रन बनाउन सक्यो।

राशिदले ४ ओभरमा मात्र १४ रन खर्चेर २ विकेट लिए

हैदरावादको बलिंगमा राशिद खानले २ विकेट लिने क्रममा ४ ओभरमा मात्र १४ रन खर्चिए। सन्दिप शर्मा ( ४-०-२९-२ ) र जेसन होल्डर ( ४-०-२७-२ ) ले पनि समान २ विकेट लिए। खलिल एह्मद ( ४-०-३१-० ) र टि नटराजन ( ४-०-२३-० ) विकेटविहिन रहे।

दुबै टोलि १० खेलमा समान ८ अंकसहित अंकतालिकाको पाचौं (सनराइजर्स हैदरावाद) र छैटौं (किङ्ग्स-११ पन्जाब) स्थानमा छन्। शिर्ष-४ स्थानमा पर्ने सम्भावना जीवित राख्न दुवै टिमलाई जित अत्यावश्यक रहेको छ।

लिग अन्तर्गत शनिवारको पहिलो खेलमा दिल्लीलाई कोलकाताले विशाल अन्तरले परजित गर्दै छैठौं जित दर्ता गर्यो।

चक्रवर्तीले करियर र सिजनकै उत्कृस्ट बलिंग गर्दा दिल्ली विशाल अन्तरले पराजित

चेन्नाई बिरुद्ध बैंगलोरले हरियो जर्सी लगाएर खेल्ने, जान्नुस कारण

IPL : प्ले-अफ पुग्न कुन टिमले के गर्नुपर्छ, हेर्नुस समीकरण





थप समाचार

पाँचपोखरी टी-ट्वान्टी : इन्द्रावतीको पहिलो जित, भोटेचौरको लगातार दोश्रो जित

काठमाडौं । पाँचपोखरी थाङ्गपाल गाउँपालिका खेलकुद विकास समितिको आयोजना तथा सिन्धुपाल्चोक जिल्ला क्रिकेट संघ र पांचपोखरी क्रिकेट क्लब को प्राबिधिक […]

डिसिएल : दिपेश चम्किंदा टाइगर्स विजयी, तुलसीपुरको जितमा अमर उत्कृष्ट

काठमाडौं । दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत मंगलबार सम्पन्न खेलमा तुलसीपुर रोयल्स र घोराही टाइगर्स विजयी […]

निकोलको अलराउन्ड प्रदर्शनमा नामिबियाद्वारा नेपाल पराजित

काठमाडौं । जेन निकोलको कीर्तिमानी शतक तथा उत्कृष्ट बलिङको सहयोगमा नामिबियाले नेपाललाई पराजित गरेको छ । टियु क्रिकेट मैदान कीर्तिपुरमा […]

निकोलको कीर्तिमानी शतकमा नेपाललाई २ सय ७ रनको लक्ष्य

काठमाडौं । जेन निकोलको कीर्तिमानी शतकको सहयोगमा नामिबियाले नेपाललाई जितका लागि २ सय ७ रनको लक्ष्य दिएको छ । टियु […]

नेपालले टस हार्यो, ललित बेन्चमा

काठमाडौं । नेपालले नामिबियाविरुद्धको खेलमा टस हारेको छ । टियु क्रिकेट मैदानमा नामिबिया कप्तान जेजे स्मिथले टस जितेर ब्याटिङ रोजेपछि […]

त्रिदेशिय टी-ट्वान्टी सिरिज आजबाट, नामिबिया र नेपाल भिड्दै

काठमाडौं । आज(मंगलबार) बाट नेपाल, नेदरल्यान्ड्स र नामिबिया सम्मिलित त्रिदेशीय टी-ट्वान्टी सिरिज सुरु हुदैछ । सिरिजको पहिलो खेलमा नामिबिया र […]