टि-२० विश्वकप : इंग्ल्यान्ड बिरुद्ध आयरल्याण्डको ऐतिहासिक जित

इंग्ल्यान्डलाई डीएल मेथडमा ५ रनले पराजित गर्दै आयरल्याण्डले टि-ट्वान्टी विश्वकपको सुपर-१२ चरणमा विजयी सुरुवात गरेको छ। इंग्ल्यान्डले पहिलो खेलमा अफगानिस्तानलाई ५ विकेटले पराजित गरेको थियो।

इंग्ल्यान्ड बिरुद्ध यो आयरल्याण्डको पहिलो टि-ट्वान्टी अन्तर्राष्ट्रिय जित हो।

मेलबर्न क्रिकेट ग्राउण्डमा आयरल्याण्डले दिएको १५८ रनको लक्ष्य पछ्याएको इंग्ल्यान्डले १४.३ ओभरमा ५ विकेट गुमाएर १०५ रन बनाएको थियो। उक्त समयमा वर्षाले खेल अवरुद्ध हुँदा पुनः सुचारु हुन सकेन जसपछि डीएल मेथडमा आयरल्याण्ड विजयी भएको हो।

लक्ष्य पछ्याउने क्रममा इंग्ल्यान्ड ओपनर जोस बटलर खाता नखोली तथा एलेक्स हेल्स ७ रनमा आउट भए। दुवैलिई जोश लिटलले पेभेलियन फर्काए। बेन स्टोक्स ६ रन बनाएर आउट हुँदा इंग्ल्यान्ड २९/३ को अवस्थामा पुग्यो। तेश्रो विकेटको लागि डेवेड मलान र  ह्यारी ब्रुकले ३८ रन जोडे। एघारौं ओभरमा ब्रुक १८ रन तथा चौधौं ओभरमा मलान ३५ रनको व्यक्तिगत स्कोरमा आउट भए। मोईन अलि १२ बलमा ३ चौका र १ छक्का मद्दतले २४ रनमा तथा लियाम लिभिंगस्टोन १ रनमा अविजित रहे।

आयरल्याण्ड बलर जोश लिटलले २ विकेट, ब्यारी म्याकार्थी, फिन ह्यान्ड र जर्ज डकरेलले १/१ विकेट लिए।

यस अघि टस हारेर ब्याटिंग गरेको आयरल्याण्डले १९.२ ओभरमा १५७ रन बनाएर सबै विकेट गुमायो।

आइरिस ओपनर तथा कप्तान एन्डी बालबर्नीले सर्वाधिक ६२ रन योगदान दिए। लोर्कान टकरले ३४, कर्टिस क्याम्फरले १८ तथा पल स्टरलिंगले १४ रन बनाए। १३२ रन बनाउदा ३ विकेट गुमाएको अवस्थाबाट इनिंग्सको अन्तिममा आयरल्याण्ड ब्याट्सम्यानहरुले लगातार विकेट गुमाए।

इंग्ल्यान्ड बलर मार्क वुड र लियाम लिभिंगस्टोनले ३/३ विकेट लिए। स्याम करनले २ तथा बेन स्टोक्सले १ विकेट लिए।

 





थप समाचार

लखनाउमाथि दिल्लीको सहज जित

काठमाडौं । १७ औं संस्करणको इन्डियन प्रिमियर लिग(आइपीएल) को २६ औं खेलमा लखनाउ सुपर जायन्ट्समाथि दिल्ली क्यापिटल्सले जित हात पारेको […]

लखनाउले दिल्लीलाई दियो १६८ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल) को २६ औं खेलमा लखनाउ सुपर जायन्ट्सले दिल्ली क्यापिटल्सलाई १ सय ६८ […]

मलेसियामाथि नेपालको जित

काठमाडौं । एसीसी मेन्स प्रिमियर कपको पहिलो खेलमा मलेसियालाई हराउँदै नेपालले प्रतियोगिताको सुखद सुरुआत गरेको छ । ओमानको मस्कटमा भएको […]

मलेसियाले दियो नेपाललाई १४४ रनको लक्ष्य

काठमाडौं । एसीसी मेन्स प्रिमियर कपको पहिलो खेलमा मलेसियाले नेपाललाई १ सय ४४ रनको लक्ष्य दिएको छ । ओमानका मस्कटमा […]

नेपालले टस हार्यो

काठमाडौं । एसीसी मेन्स प्रिमियर कप २०२४ को पहिलो खेलमा मलेसियाविरुद्ध नेपालले टस हारेको छ । मलेसियाका कप्तान टस जितेर […]

मलेसियाविरुद्ध नेपालको सम्भावित प्लेईङ-११

काठमाडौं । एसीसी मेन्स प्रिमियर कप आज(शुक्रबार)बाट ओमानमा सुरु हुदै छ । दश राष्ट्रको सहभागीता रहेको यस कपको पहिलो दिन […]