भारतीय पूर्व कप्तान महेन्द्र सिंह धोनी र सुरेश रैनाले अन्तर्राष्ट्रिय क्रिकेटबाट अचानक सन्यास घोषणा गरेपछि भारतीय पूर्व क्रिकेटर इरफान खानले रोचक उपाय निकालेका छन्।
धोनीले विदाई खेल नखेली सन्यास घोषणा गरेको हुँदा पठानले विदाई खेल खेल्न नपाएका क्रिकेटर र वर्तमान भारतीय टिम बीच विदाई खेलको आयोजना गर्न सकिने सामाजिक संजालमार्फत बताएका छन्।
पठान लगायत ठूलाभारतीय नामहरुले भारतीय क्रिकेट टिमको लागि ठूलो योगदान दिएता पनि विदाई खेल खेल्न भने पाएका थिएनन्। यसै वर्ष अन्तर्राष्ट्रिय क्रिकेटबाट विदा लिने निर्णय गरेका पठानले विदाई खेल खेल्न नपाएका ११ जना खेलाडीहरुको सुची समेत सार्वजनिक गरेका छन्।
Many people are talking about a farewell game for retired players who didn’t get a proper send-off from the game. How about a charity cum farewell game from a team consisting of retired players vs the current Indian team? pic.twitter.com/diUiLXr9XQ
— Irfan Pathan (@IrfanPathan) August 22, 2020
ठूला नामहरु गौतम गम्भीर, बिरेन्द्र सेहवाग, युवराज सिंह, भीभीएस लक्ष्मण, इरफान पठन, जाहिर खान जस्ता ठुला क्रिकेटरहरुले पनि यस अघि विदाई खेल खेल्ने सौभाग्य पाएका थिएनन्। सेहवागले २०१४ मा , द्रविड र लक्ष्मणले २०१२ मा, युवराज सिंहले २०१९ मा तथा अगरकरले २००७ मा सन्यास लिएका थिए।
“धेरै मानिसहरु खेलाडीहरुले सन्यास लिदा विदाई खेल खेल्न नपाएको गुनासो गरिरहेका छन्। विदाई खेल खेल्न नपाएका खेलाडीहरु र वर्तमान भारतीय टिम बीच एउटा च्यारिटी विदाई खेल खेल्दा कस्तो होला ?” पठानले ट्वीट गरेका छन्।
धोनी र रैनाले सन्यास घोषणा गरेपछि विदाई खेल आयोजना हुनु पर्ने विषय उठेको थियो। २०१९ विश्वकप सेमीफाइनलमा इंग्ल्यान्ड बिरुद्ध अन्तिम खेल खेलेका धोनी तथा २०१८ जुलाईमा इंग्ल्यान्ड बिरुद्ध अन्तिम खेल खेलेका रैनाले अचानक सामाजिक संजालबाट सन्यास घोषणा गरेका थिए।
ठूला भारतीय खेलाडीहरुले सन्यास लिंदा सम्मानित विदाई नभएकोमा खुलेर आलोचना गर्ने गरेका छन्। १९ वर्षीय करियर अन्त्य गरेपछि भारतलाई २०११ विश्वकप जिताउने क्रममा प्रतियोगिताकै उत्कृस्ट खेलाडी चुनिएका युवराज सिंहले सम्मानित विदाई नपाउदा भारतीय बोर्डको खुलेर आलोचना गरेका थिए। युवराजले खेलाडीहरुलाई बिसीसीआईले सम्मान नगरेको बताउदै आएका छन्।
पठानले बनाएको विदाई खेल खेल्न नपाउने भारतीय खेलाडीहरुको सुची – १. गौतम गम्भीर, विरेन्द्र सेहवाग, राहुल द्रविड, भीभीएस लक्ष्मण, सुरेश रैना, महेन्द्र सिंह धोनी, इरफान पठान, अजित अगरकर, जाहिर खान, प्रज्ञान ओझा
यो पनि पढ्नुस :-
https://wicketnepal.com/10-ind-cric-farwell-match-wn20/
https://wicketnepal.com/can-50-players-corona-wn20/
https://wicketnepal.com/200-zak-new-record-wn20/
https://wicketnepal.com/pak-team-for-eng-t20i-wn20/
https://wicketnepal.com/cpl-sandeep-wn20-3rd-match-prev/
https://wicketnepal.com/white-sanyas-wn20/
https://wicketnepal.com/nep-2-ball-wn-vs-myanmar-wn20/
