मलेसियाको क्लब अमन मैदानमा एसीसी ट्रफीको समुह चरणको आफ्नो चौथो खेलमा नेपाल खेल्दै थियो म्यानमारसंग। मिति थियो २० अगस्ट २००६। नेपाल प्रतियोगिताको अघिल्लो ३ खेलमा हंगकंग, भुटान र कुवेतलाई सजिलै हराऊदै एसीसी ट्रफी जित्ने अभियानमा थियो। क्रिकेट इतिहासमै पहिलो पटक भिड्दै थिए नेपाल र म्यानमार।
नेपालले टस जित्यो र कप्तान बिनोद दासले पहिले बलिंग गर्ने निर्णय गरे। ओपनिंग बलिंगमा आए मेहबुब आलम। पहिलो बलमै विकेट !
आलमबाट त्यो काम अस्वभाविक थिएन। म्यानमार ओपनर ओमर खाता नखोली आलमको एलबिडब्लु धरापमा परे। म्यानमारको स्कोर ०/१।चौथो बलसम्म खाता खोल्न नसकेको म्यानमारलाई आलमले अर्को झट्का दिए। यसपालि उनले म्यानमार ब्याट्सम्यान मोहम्मदको स्टम्प उडाईदिए। स्कोर पुग्यो ०/२
आलम रोकिएनन्, आफ्नो स्पेलको दोश्रो ओभरको पहिलो र पाँचौ बलमा विकेट लिंदै म्यानमारको योगफल र विकेट बराबर बनाईदिए। अब्दुल रहमानको स्टम्प ढालेका आलमले शरजिललाई राजु बस्नेतको हातबाट क्याच थमाए। ४ रनमै ४ वटै विकेट गुमाएको म्यानमार गम्भीर संकटमा पुग्यो।
आलमको लय निरन्तर रह्यो, सातौँ ओभरको दोश्रो र पाँचौ बलमा छैठौं र सातौँ नम्बरका ब्याट्सम्यानलाई पनि पाखा लगाईदिए। योगफल पुग्यो ७ रन ६ विकेटको नोक्सानी।
कप्तान बिनोद दास पनि कम कहाँ थिए र ? दासले पनि २० बल खेल्दै १ रन बनाएर अवरोध बनिरहेका ओपनर जर्कारीयालाई पछिल्लो ६ ब्याट्सम्यानकै बाटो देखाईदिए। स्कोर पुग्यो ७.५ ओभर ८ रन ७ विकेटको क्षेतीमा।
नेपाल अचम्मको इतिहास नजिक थियो। ८ रन बन्दा ७ जना ब्याट्सम्यान गुमाएको म्यानमारलाई बिनोद दासले दया गरेनन्। ८ बलमा १ रन बनाई इज्जत ढाक्ने प्रयासमा रहेका जिन मिन पनि उखालिएको स्टम्प हेर्दै पेभेलियन फर्किए। ९ रनमै गुम्यो म्यानमारको ८ विकेट, १० ओभरको समाप्ति।
बाँकी थियो २ विकेट र झरेका सबै ८ विकेट थियो आलम र दासको नाम। नवौं विकेटको रुपमा बिनोद दासले युसुफलाई १२ औ ओभरको दोश्रो बलमा आकाश गुप्तालाई क्याच थमाए। बाँकी थियो १ विकेट, आलमले ए मिन थानको बल छुने प्रयास असफल बनाईदिए। बोल्ड !
म्यानमार १० रनमै अल आउट।
खेलको ६.१ ओभर बलिंग गर्दै ३ मेडन ओभर गर्दै ३ रन खर्चेर ७ विकट लिएका मेहबूब आलम म्यान अफ द म्याच घोषित भए। ६.१-३-३-७ को स्पेल आलमको करियरको तेश्रो उत्कृस्ट स्पेल थियो। उनले सन् २००८ मा मोजाम्बिक बिरुद्ध एकै इनिंग्समा १० विकेट ( ७.५-१-१२-१० ) तथा सन् २००३ मा माल्दिभ्स बिरुद्ध ८ विकेट लिएका थिए।
प्रतियोगितामा लज्जास्पद प्रदर्शन गरेको म्यानमारको त्यो नै पहिलो र अन्तिम एसीसी ट्रफी प्रतियोगिता बन्न पुग्यो।
प्रतियोगितामा नेपालले भने सेमीफाइनलमा युएईसंग ९ विकेटले पराजित हुन पुग्यो। फाइनलमा युएईले हंगकंगलाई ५ विकेटले पराजित गर्दै प्रतियोगिताको उपाधि जितेको थियो। तेश्रो स्थानको लागि भएको प्लेअफमा पनि नेपालले ६४ रनको हार बेहोर्न पुगेको थियो।
म्यानमारको ब्याटिंग स्कोरकार्ड
यो पनि पढ्नुस :-
https://wicketnepal.com/aarif-sheikh-6-best-innings-wn20/
https://wicketnepal.com/sandeep-best-9-spell-in-foreign-t20-league/
https://wicketnepal.com/abinash-bohara-best-4-spell-wn20/
https://wicketnepal.com/mehboob-alamle-wisha-chakit-banayeko-din/
