CPL : सन्दिपको टिम जमैकाद्वारा ट्रिनबागोलाई १३६ रनको लक्ष्य

करेबियन प्रिमियर लिग ( सिपिएल ) टि-२० अन्तर्गत नेपाली स्पिनर सन्दिप लामिछानेको टिम जमैका तलावाजले दोश्रो खेलमा काइरन पोलार्ड कप्तानीको ट्रिनबागो नाइट राइडर्ससंग प्रतिस्पर्धा गरिरहेको छ।

ट्रिनिडाड एण्ड टोबागो स्थित ब्रायन लारा क्रिकेट एकेडेमी स्टेडियममा जारि खेलमा पहिले ब्याटिंग गर्दै जमैकाले निर्धारित २० ओभरमा ८ विकेट गुमाएर १३५ रन बनाउदै ट्रिनबागोलाई १३६ रनको लक्ष्य प्रस्तुत गरेको छ।

टस जितेर ट्रिनबागो नाइट राइडर्सले फिल्डिंग रोजेपछि ब्याटिंग गरेको जमैकाले अत्यन्त खराब सुरुवात गरेको थियो। ओपनर चाडविक वाल्टन र निकोलस किर्टन खाता नखोली तथा कप्तान रोभम्यान पावेल ८ रन बनाएर आउट हुँदा तेश्रो ओभरमा जमैकाले ३ विकेट गुमाएको थियो। अलि खानले सुरुवाती स्पेलमा २ विकेट लिएका थिए।

अर्धशतक बनाएका फिलिप्सले पहिलो खेलमा पनि जुक्स बिरुद्ध ४४ रन बनाएका थिए

१९/३ को अवस्थाबाट ओपनर ग्लेन फिलिप्सले अर्धशतक बनाउदै टिमलाई उकासेका थिए। यसक्रममा उनले असिफ अलिसंग ३९ रनको तथा आन्द्रे रसेलसंग ३६ रनको साझेदारी गरे। १६ औं ओभरमा आउट हुनु अघि उनले ४२ बलमा ५ चौका र ४ छक्का मद्दतले ५८ रन बनाए।

फिलिप्सको विकेट आन्द्रे रसेलले अन्तिम ओभरमा आक्रामक ब्याटिंगको अपेक्षा गरिएता पनि उनले २५ रन बनाएर आउट भए। ड्वेन ब्राभोले क्याच आउट गराउनु अघि उनले २६ बलमा ३ चौका प्रहार गरे। रमाल लुइसले अविजित १५ रन बनाए। सन्दिप लामिछाने बलको सामना नगरी खाता नखोली अविजित रहे।

ट्रिनबागोको बलिंगमा अलि खान ( ४-०-२५-२ ) र जेडन सिल्स ( ३-०-२१-२ ) ले समान २/२ विकेट लिए। सुनिल नारायण ( ४-०-१९-१ ) , फवाद एहमद ( ३-१-१८-१ ) र ड्वेन ब्राभो ( ४-०-३२-१ ) ले समान १/१ विकेट लिए।

Jayden Seales (L) and Asif Ali (R) of Trinbago Knight Riders

लिग अन्तर्गत जमैकाले विजयी सुरुवात  गर्ने क्रममा सेन्ट लुसिया जुक्सलाई ५ विकेटले पराजित गरेको थियो। १५९ रनको लक्ष्य जमैकाले ५ विकेट गुमाएर पुरा गरेको थियो। यस्तै ट्रिनबागोले पनि पहिलो खेलमा  गायना अमेजन वारियर्सलाई ४ विकेटले पराजित गरेको थियो। १७ ओभरमा छोट्याइएको खेलमा गायनाले दिएको १४५ रनको लक्ष्य ट्रिनबागोले ६ विकेट गुमाएर १६.४ ओभरमा पुरा गरेको थियो।

यो पनि पढ्नुस :-

खेलाडीको तलब निकासा गर्न क्यानले आईसीसीलाई खेलाडीहरुको सुची पठायो

CPL-T20 : सन्दिपको दोश्रो खेल भोलि पोलार्डको टिम ट्रिनबागोसंग ( सम्पूर्ण जानकारी )

१४ वर्ष अघि : नेपालले २ बलमै खेल जित्दै चकित बनाएको थियो

राजस्थान र पन्जाब आईपीएल खेल्न युएई प्रस्थान ( फोटो फिचर )

CPL : जमैकाद्वारा सेन्ट लुसिया पराजित, राम्रो रह्यो सन्दिपको प्रदर्शन





थप समाचार

जिम्बावेविरुद्धको सिरिज भारतले जित्यो

काठमाडौं । जिम्बावेविरुद्धको पाँच खेलको टी-२० आईको सिरिज पाहुना टोली भारतले ४-१ ले जितेको छ । आईतबार भएको सिरिजको पाँचौ […]

पोन्टिङ मुख्य प्रशिक्षकबाट हटाइए

काठमाडौं । रिकी पोन्टिङले इन्डियन प्रिमियर लिग (आइपीएल) फ्रेन्चाइज दिल्ली क्यापिटल्सको मुख्य प्रशिक्षक पदबाट हटाईएका छन् । २०२५ को आईपीएलको […]

एन्डरसनको स्थान वुडले लिने

काठमाडौं । इंग्ल्यान्डले तीव्र गतिका बलर जेम्स एन्डरसनले सन्यास लिएपछि वेस्ट इन्डिजविरुद्धको दोस्रो टेस्टका लागि मार्क वुडलाई टोलीमा समावेश गरेको […]

दीपेन्द्र र रोहितले क्यारेबियन टी-१० खेल्ने

काठमाडौं । नेपाली राष्ट्रिय क्रिकेट टोलीका कप्तान रोहितकुमार पौडेल तथा विष्फोटक अलराउन्डर दीपेन्द्रसिंह ऐरी वेस्ट इन्डिजमा आयोजना हुने म्याक्स ६० […]

रौतहट प्रिमियर लिगमा १६ टोलीको सहभागीता रहने

काठमाडौं । रौतहट प्रिमियर लिग (आरपिएल) २०२४ मा १६ क्लबको सहभागीता हुने भएको छ । बुबा ममी इभेन्ट्स तथा स्पोर्टस […]

क्रिकेट प्रशिक्षक प्रशिक्षण कार्यक्रम सम्पन्न

काठमाडौं । सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रीकेट एकेडेमीको समन्वयमा सिन्धुपाल्चोकमा रहेका सामुदायिक तथा सस्थागत बिधालयका खेल […]