एनएसजेएफ पल्सर स्पोर्टस अवार्ड २०८० अन्तर्गत पिपुल्स च्वाइस अवार्डको मनोनयन सार्वजनिक भएको छ ।
आयोजक नेपाल खेलकुद पत्रकार मञ्च (एनएसजेएफ) ले शुक्रबार मनोनयन सार्वजनिक गरेको हो । अवार्डका लागि क्रिकेटका अलराउन्डर गुलशन झा पनि मनोनयनमा परेका छन् । झासँगै भलिबलकी कविता भट्ट, कबड्डीकी मानमती विष्ट, फुटबलकी प्रिती राई तथा रग्बीका श्रीराम श्रेष्ठ मनोनयनमा रहेका छन् ।
कार्यक्रममा भोटिङ पार्टनरमा इसेवासँग पनि एनएसजेएफले सम्झौता नविकरण गरेको छ । समर्थकले आफ्नो रोजाइका खेलाडीलाई इसेवामार्फत भोटिङ गर्न सक्नेछन् ।
