- विकेटनेपाल, मङ्सिर ८
काठमाण्डौ स्थित टियु क्रिकेट मैदानमा आज शनिवार पारस-११ र जोन्टि ११ बिच मैत्रीपूर्ण खेल हुने भएको छ।
प्रशिक्षणको शिलशिलामा नेपाल आएका महान् क्रिकेटर जोन्टि रोड्स र राष्ट्रिय टिमका कप्तान पारस खड्काको टोलि बिच अस्टिम केयर सोसाइटीको लागि च्यारिटी खेल खेलीने भएको हो।
नेपाल क्रिकेट स्कुल र स्पोर्ट्स एडको आयोजनामा आयोजना भइरहेको ‘राइज अफ द क्रिकेटिंग स्टार्स विथ जोन्टि रोड्स’ कार्यक्रम अन्तर्गत पछिल्लो केहि साता यता जोन्टि नेपालमा रहेका छन्। जोन्टिसंग नेपाली यु-१९ राष्ट्रिय क्रिकेटरहरु तथा अन्य यु-१६ र यु-१९ क्रिकेटरहरु क्रिकेटको बिभिन्न पाटोको प्रशिक्षण लिएका थिए। उनलाई सघाउन अफगानिस्तान र वेस्ट इन्डिज टिमका पुर्व फिल्डिंग प्रशिक्षक रायन मेरोन पनि रोड्ससंगै नेपाल आएछन्। गत नोभेम्बर १२ मा नेपाल आइपुगेका दुबैले १४ तारिकबाट प्रशिक्षण थालेका थिए।
शुक्रवार दिउसो १२ बजेबाट सुरु हुने खेलमा जोन्टि रोड्स, रायन मरुन र पारस खड्का सहित अन्य क्रिकेट खेलाडी, इभेन्ट आयोजक र कलाकारहरुको सहभागिता रहने आयोजकले विकेट नेपाललाई जानकारी गरएकोछ।
खेल हेर्न आउने दर्शकहरुलाई प्रवेश निशुल्क गरिएको छ।
पारस ११ नाम दिइएको टोलीमा राष्ट्रिय टोलीका कप्तान पारस खड्का सहित अन्य राष्ट्रिय टोलीका खेलाडीहरु र पुर्व क्रिकेटरहरु सहभागी हुनेछन्। यस्तै जोन्टि ११ को टोलीमा भने जोन्टि रोड्स, रायन मरुन सहित कलाकार सुनिल थापा र अन्य कलाकारहरु, आयोजक नेपाल क्रिकेट स्कुल र स्पोर्ट्स एडका अन्य व्यक्तित्वको सहभागिता रहने छ।
अधिकारिक रुपमा आयोजकले खेलमा सहभागी हुनेहरुको नाम भने सार्वजनिक गरेको छैन।
‘राइज अफ द क्रिकेटिंग स्टार्स विथ जोन्टि रोड्स’ कार्यक्रमका ब्राण्ड एम्बासडर समेत रहेका नेपाली चलचित्र जगतका हस्ती सुनिल थापा सहित अन्य कलाकारहरुले समेत जोन्टि – ११ को टोलीबाट खेल्ने जानकारी विकेटनेपाललाई प्राप्त भएको छ।
