- विकेटनेपाल, मङ्सिर-६
नेपाल क्रिकेट स्कुल र स्पोर्ट्स एडको आयोजनामा आयोजना भइरहेको ‘राइज अफ द क्रिकेटिंग स्टार्स विथ जोन्टि रोड्स’ कार्यक्रम अन्तर्गत नेपाल आएका महान दक्षिण अफ्रिकी क्रिकेटर जोन्टि रोड्स त्रिभुवन अन्तर्राष्ट्रिय क्रिकेट मैदानमा दिनहु क्रिकेट सिकाउन व्यस्त छन्।
जोन्टिसंग नेपाली यु-१९ राष्ट्रिय क्रिकेटरहरु तथा अन्य यु-१६ र यु-१९ क्रिकेटरहरु क्रिकेटको बिभिन्न पाटोको प्रशिक्षण लिईरहेका छन्।
उमेरले ५० पुगीसकेका रोड्स पुरानै जोश र जाँगरका साथ टियु मैदानमा निकै सक्रियतापुर्वक सिकाउन ब्यस्त छन्।
नेट्समा आफै बलिङ्ग गर्दै उनि क्रिकेटरहरुको गल्ति औल्याउदै ब्याटिंग टिप्स दिईरहेका भेटिन्छन् भने अर्कोतर्फ साना खेलाडीहरुको खेल नजिकबाट हेर्दै प्रोत्साहन दिईरहेका हुन्छन्। उनलाई सघाउन अफगानिस्तान र वेस्ट इन्डिज टिमका पुर्व फिल्डिंग प्रशिक्षक रायन मेरोन पनि रोड्ससंगै खटिरहेका छन्।
नोभेम्बर १२ तारिकमा नेपाल आएका रोड्सले १४ तारिक देखि प्रशिक्षण थालेका हुन् र नोभेम्बर २४ तारिकसम्म प्रशिक्षण दिनेछन्।
फोटोहरुमा हेर्नुस अभ्यासमा देखिएको जोन्टि रोड्सको अनेक रुप –
( फोटोहरु – राजन अधिकारी / विकेटनेपाल )
