प्रम कप : सन्दिप जोरासंग भनाभन गर्दा राजेश पुलामीलाई कारवाही

प्रधानमन्त्री कप एकदिवसीय राष्ट्रिय प्रतियोगिताको शनिवार फाइनलको क्रममा नेपाल एपीएफ क्लबको ब्याट्सम्यान आउट भएपछि उनिसंग भनाभन गरेका त्रिभुवन आर्मी क्लबका खेलाडी राजेश पुलामीलाई कारवाही गरिएको छ।

खेलको दोश्रो इनिंग्समा एपीएफका ब्याट्सम्यान सन्दिप जोरा आउट भएपछि पेभेलियनतर्फ फर्कने क्रममा पुलामीले जोरालाई केहि भनेपछि जोरा र पुलामी बीच मैदानमै भनाभन भएको थियो। त्यसपछि जोरा र पुलामी बीच भनाभन भएको थियो।

दुवै जना एकअर्का बिरुद्ध हात हालाहाल गर्ने स्थितिमा पुग्ने देखेपछि आर्मीका फिल्डर आकाश चन्दले दुवैलाई रोकेका थिए। त्यसपछि जोरा पछाडी फर्केर केहि बोल्दै पेभेलियन फर्किएका थिए।

खेल समाप्ति पछि पनि पुलामी र जोराको खेलको क्रमको विवादले निरन्तरता पायो। खेल पछि आर्मी र एपीएफको टिमले हात मिलाउने क्रममा पुनः दुवै खेलाडी बीच घम्साघम्सी भएको थियो त्यस क्रममा राजेश पुलामीलाई रोहित पौडेल र सुशन भारिले छुटाएका थिए। त्यसपछि पनि पुलामी र जोरा शान्त हुने मुडमा थिएनन् तर उनलाई साथी खेलाडीले जोरासम्म जानबाट रोकेका थिए। त्यसपछि पुलामी पेभेलियनतर्फ गएका थिए।

 

खेलपछि राजेश पुलामीलाई खेलाडी आचारसंहिताको २.५ धारा अन्तर्गत कारवाही गरेको छ। उक्त धारामा फिल्डरले आउट भएका बिपक्षी ब्याट्सम्यानलाई आक्रोसित हुन उक्साउने क्रियाकलाप गर्नु रहेको छ। म्याच रेफ्री विनय कुमार झाले उनलाई कारवाही गरेका हुन्।

पुलामीले आफुले गरेको गल्ति म्याच रेफ्रीसंग स्वीकार गरिसकेका छन्। प्रतियोगितामा म्याच फि नहुनाले कारवाही स्वरूप राजेश पुलामीलाई १ डीमेरिट ( अवगुण ) अंक दिईएको छ।





थप समाचार

पाँचपोखरी टी-ट्वान्टी : इन्द्रावतीको पहिलो जित, भोटेचौरको लगातार दोश्रो जित

काठमाडौं । पाँचपोखरी थाङ्गपाल गाउँपालिका खेलकुद विकास समितिको आयोजना तथा सिन्धुपाल्चोक जिल्ला क्रिकेट संघ र पांचपोखरी क्रिकेट क्लब को प्राबिधिक […]

डिसिएल : दिपेश चम्किंदा टाइगर्स विजयी, तुलसीपुरको जितमा अमर उत्कृष्ट

काठमाडौं । दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत मंगलबार सम्पन्न खेलमा तुलसीपुर रोयल्स र घोराही टाइगर्स विजयी […]

निकोलको अलराउन्ड प्रदर्शनमा नामिबियाद्वारा नेपाल पराजित

काठमाडौं । जेन निकोलको कीर्तिमानी शतक तथा उत्कृष्ट बलिङको सहयोगमा नामिबियाले नेपाललाई पराजित गरेको छ । टियु क्रिकेट मैदान कीर्तिपुरमा […]

निकोलको कीर्तिमानी शतकमा नेपाललाई २ सय ७ रनको लक्ष्य

काठमाडौं । जेन निकोलको कीर्तिमानी शतकको सहयोगमा नामिबियाले नेपाललाई जितका लागि २ सय ७ रनको लक्ष्य दिएको छ । टियु […]

नेपालले टस हार्यो, ललित बेन्चमा

काठमाडौं । नेपालले नामिबियाविरुद्धको खेलमा टस हारेको छ । टियु क्रिकेट मैदानमा नामिबिया कप्तान जेजे स्मिथले टस जितेर ब्याटिङ रोजेपछि […]

त्रिदेशिय टी-ट्वान्टी सिरिज आजबाट, नामिबिया र नेपाल भिड्दै

काठमाडौं । आज(मंगलबार) बाट नेपाल, नेदरल्यान्ड्स र नामिबिया सम्मिलित त्रिदेशीय टी-ट्वान्टी सिरिज सुरु हुदैछ । सिरिजको पहिलो खेलमा नामिबिया र […]