- विकेटनेपाल – 22 साउन
राइजिङ्ग क्रिकेट फर वुमेनको आयोजनामा काठमाडौँ कोटेश्वर स्थित अल्टिमेट इन्डोरमा आयोजित वुमेन सम्मर इन्डोर क्रिकेट प्रतियोगिताको उपाधि काठमाडौँ क्रिकेट ट्रेनिंग सेन्टर गर्ल्सले ( केसीटिसी गर्ल्स ) जितेको छ ।
प्रतियोगिताको फाईनलमा गर्ल्सले श्री श्री योद्धालाई ८१ रनले पराजित गर्यो ।
पहिले ब्याटिंग गर्दै केसीटिसी गर्ल्सले निर्धारित १२ ओभरमा ८५ रनको योगफल तयार गरेको थियो जसको जवाफमा श्री श्री योद्धाले ५ रन मात्रै बनाउन सक्यो ।केसीटिसीलाई जिताउन प्लेयर अफ द म्याच चुनिएकि करुना भण्डारीले १८ रन बनाउनुको साथै ४ विकेट समेत लिईन् ।
बिजेता केसीटिसीले ३५ हजार रुपैयाँ र ट्रफी तथा उपविजेता श्री श्रीले १५ हजार रुपैया र ट्रफी प्राप्त गर्यो ।
प्रतियोगितामा राइजिङ्ग क्रिकेट फर वुमेन, गौतम ग्रुप, थन्ड़र बर्ड्स, केसीटिसी गर्ल्स र श्री श्री योद्धा गरि कुल ५ टिम सहभागी थिए ।
