- विकेटनेपाल, भदौ २५
नेक्सस क्रिकेट एकेडेमीको आयोजनामा शनिबार सम्पन्न प्रथम गणेश बहादुर‒प्राणमाया चित्रकार स्मृति कप अन्डर नाइन्टिन क्रिकेट प्रतियोगिताको उपाधि काठमाण्डौ क्रिकेट ट्रेनिङ सेन्टरले जितेको छ । उसले फाइनलमा हिमालयन क्रिकेट एकेडेमीलाई १२ रनले पराजित गरेको हो ।
काठमाडौँको टुडिखेलमा सम्पन्न फाईनल खेलमा काठमाण्डौ क्रिकेट ट्रेनिङ सेन्टरले टस जितेर ब्यटिङ गर्दै निर्धारित २० ओभर खेल्दै ८ विकेटको क्षेतीमा १०८ रन बनाएकोे थियो। केसिटीसीका म्यान अफ द म्याच घोषित बिबेक रानाले सर्बाधिक ३० रन बनाउन सफल भएका थिए भने आदिल खानले २७ रन बनाए । बलिङतर्फ हिमालयनका प्रतिश जिसीले २ विकेट लिएका थिए ।
जवाफी ब्यटिङमा उत्रेको हिमालयनले २० ओभरमा ७ विकेटको क्षेतीमा ९६ रनमा बनाउदा खेल गुमाएको थियो । हिमालयन जबन कार्कीले ३७ तथा कुश मण्डलले मात्र १५ रन बनाए। त्यस्तै बलिङ तर्फ केसिटीसीका बिबेक राणा र शुर्य लामाले समान २/२ विकेट लिएका थिए ।
म्यान अफ द सिरिज हिमालयनका पबन कार्की, केसिटिसीका आदिल खान बेष्ट ब्याट्म्यान र हिमालयनका प्रतिश जिसी बेष्ट बलर घोषित भएका थिए । बिजेता र उप बिजेतालाई सुचना तथा सञ्चार राज्य मन्त्री तप्त बहादुर बिष्टले ट्रफी,मेडल र नगद पुरुष्कार बितरण गर्नु भएको थियो ।
