इंग्ल्यान्ड बिरुद्ध जारि टेस्ट सिरिजको तेश्रो टेस्टमा वेस्टइन्डिज पेस बलर केमार रोचले २०० औं विकेट लिएका छन्।
वेस्टइन्डिजको लागि कुनै बलरले २६ वर्ष पछि २०० विकेटको आँकडा छुनसकेका हुन्। २०० विकेट पुरा गर्ने रोच नवौं वेस्टइन्डिज क्रिकेटर हुन्। ओल्ड ट्रयाफोर्ड, म्यानचेस्टरमा जारि सिरिजको दोश्रो दिन रोचले ९१ औं ओभरमा क्रिस वोक्सको विकेट लिंदै उक्त कोसेढुङ्गा पार गरेका हुन्।
वेस्टइन्डिजको लागि अन्तिम पटक सन् १९९४ मा तिब्र गति बलर कर्टले एम्ब्रोसले २०० विकेट पुरा गरेका थिए।
टेस्टको पहिलो इनिंगमा इंग्ल्यान्डलाई ३६९ रनमा समेट्ने क्रममा रोचले कुल ४ विकेट लिंदै विकेट संख्या २०१ पुर्याएका छन्। उनले २५.४ ओभर बलिंग गर्दै २ मेडन ओभर गर्दै ७२ रन खर्चिए।
वेस्टइन्डिजको लागि टेस्टमा सबैभन्दा बढी विकेट लिने बलर कर्टनि वाल्स हुन् जसले १३२ टेस्ट खेल्ने क्रममा कुल ५१९ विकेट लिएका थिए।
2️⃣0️⃣0️⃣ Test wickets for Kemar Roach! ???
He becomes the ninth West Indies bowler to reach the mark, and the first since Curtly Ambrose in 1994 ? #ENGvWI pic.twitter.com/w7aXfO1t0k
— ICC (@ICC) July 25, 2020
टेस्टमा सर्वाधिक विकेट लिने वेस्टइन्डिज बलरहरु :-
वेस्टइन्डिजको लागि टेस्टमा धेरै विकेट लिने बलरहरुको सुचीमा रोच नवौं नम्बरमा रहेका छन्। भर्खरै ३२ वर्ष पुरा गरेका रोच ५९ औं टेस्ट खेलीरहेका छन्। एकदिवसीय अन्तर्राष्ट्रियमा रोचले ९२ खेलमा १२४ विकेट लिएका छन्। टि-२० अन्तर्राष्ट्रियमा ११ खेल मात्र खेल्ने क्रममा उनले १० विकेट लिएका छन्।
सन् २००८ मा अस्ट्रेलिया बिरुद्ध टि-२० अन्तर्राष्ट्रिय डेब्यु गरेका रोचले सोहि वर्ष एकदिवसीयमा बर्मुडा बिरुद्ध तथा २००९ मा बंगलादेश बिरुद्ध टेस्टमा डेब्यु गरेका थिए।
वेस्टइन्डिजको लागि टेस्टमा धेरै विकेट लिने बलरहरुको सुचीमा रोच नवौं स्थानमा छन्। उनि भन्दा १ स्थान माथि रहेका एन्डी रोबर्ट्सको नाममा २०२ विकेट रहेको छ जसलाई भेट्न अब रोच १ विकेट मात्र टाढा रहेका छन्।
टेस्टमा धेरै विकेट लिने १० वेस्टइन्डिज बलर
१. कर्टनि वाल्स : ५१९ विकेट ( १३२ खेल, २४२ इनिंग )
२. कर्टले एम्ब्रोस : ४०५ विकेट ( ९८ खेल, १७९ इनिंग )
३. मेल्कम मार्शल : ३७६ विकेट ( ८१ खेल, १५१ इनिंग )
४. ल्यान्स गिब्स : ३०९ विकेट ( ७९ खेल , १४८ इनिंग )
५. जोएल गर्नर : २५९ विकेट ( ५८ खेल , १११ इनिंग )
६. माइकल होल्डिंग : २४९ विकेट ( ६० खेल , ११३ इनिंग )
७. ग्यारी सोबर्स : २३५ विकेट ( ९३ खेल , १५९ इनिंग )
८. एन्डी रोबर्ट्स : २०२ विकेट ( ४७ खेल , ९० इनिंग )
९. केमार रोच : २०१ विकेट ( ५९ खेल, १०५ इनिंग ) नोट – खेल जारि
१०. वेस हल : १९२ विकेट ( ४८ खेल, ९२ इनिंग )
यो पनि पढ्नुस :-
– क्यान कार्यसम्पादन कमिटिको बैठक सम्पन्न, के-के भए निर्णयहरु
– सिपिएल टि-२० खेल्न जान पाउलान् सन्दिप ? यसरी हुँदैछ प्रयास
– १९ सेप्टेम्बर देखि युएईमा आयोजना हुनेछ आईपीएल
