रुपन्देही सुपर लिग: केशब पौडेलको ७ विकेटमा वेष्टर्न क्रिकेट क्लबको जित

  • विकेटनेपाल, फाल्गुन १३ – सोमबार

भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगितामा लिग चरण अन्तर्गत सोमबार भएको डिभिजन ‘ए’ को समूह (बि) को खेलमा वेष्टर्न क्रिकेट क्लब बुटवलले साई ग्लोबल क्रिकेट क्लब भैरहवामाथि ८ विकेटको सानदार जित निकालेको छ ।

८४ रनको सामान्य लक्ष्य पाएको वेष्टर्नले निर्धारित ५० ओभरको खेलमा ८ ओभर २ बलमा २ विकेटको क्षतिमा ८८ रन बनाउँदै सहज जित निकाल्यो । उसको जितमा राहुल कुमारले नटआउट ३६, निर्मल थापाले १९, शौरभ खनालले १४ र भुवन पाण्डेले नटआउट १४ रन बनाए । बलिङमा साई ग्लोबलका अक्तर हुसेन र बसिर अहम्मदले समान १/१ विकेट लिए । 

यसअघि टस जितेर पहिला ब्याटिङ गरेको साइ ग्लोबलले निर्धारित खेलमा १६ ओभर २ बल खेल्दै सबै विकेट गुमाई ८३ रनको झिनो योगफल बनाएको थियो । उसका लागि इमरान खाँनले १९ र आसुतोष पासवानले १५ रन बनाए पनि अन्य ब्याट्सम्यानले दोहोरो अंक बटुल्न नसक्दा टिमले नराम्रोसँग हार व्यहोर्यो । साई ग्लोबललाई सस्तैमा समेट्ने क्रममा बलिङमा खेलका म्यान अफ द म्याच समेत रहेका वेष्टर्नका केशब पौडेलले सानदार बलिङ गर्दै ८ ओभर २ बलमा ३६ रन खर्चेर ७ विकेट लिए । यस्तै विक्रम भुसालले ३ विकेट लिए ।

बुधबार समूह (ए) मा रहेका शिवशक्ति क्रिकेट क्लब भैरहवा र शंकरनगर क्रिकेट क्लब शंकरनगरबीच प्रतिस्पर्धा हुने छ । प्रतियोगितामा विजेता क्लबले नगद ७० हजार प्राप्त गर्ने छ भने उपविजेताले नगद ३५ हजार प्राप्त गर्ने छ । यस्तै उत्कृष्ट खेलाडीले १० हजार, बेष्ट बलर र बेष्ट ब्याट्स म्यानले नगद ५/५ हजार तथा प्रत्येक दिनको म्यान अफ द म्याचले एक हजार रुपैयाँ प्राप्त गर्ने छन् ।  प्रतियोगिता फागुन २६ गतेसम्म चल्ने छ ।





थप समाचार

जिम्बावेविरुद्धको सिरिज भारतले जित्यो

काठमाडौं । जिम्बावेविरुद्धको पाँच खेलको टी-२० आईको सिरिज पाहुना टोली भारतले ४-१ ले जितेको छ । आईतबार भएको सिरिजको पाँचौ […]

पोन्टिङ मुख्य प्रशिक्षकबाट हटाइए

काठमाडौं । रिकी पोन्टिङले इन्डियन प्रिमियर लिग (आइपीएल) फ्रेन्चाइज दिल्ली क्यापिटल्सको मुख्य प्रशिक्षक पदबाट हटाईएका छन् । २०२५ को आईपीएलको […]

एन्डरसनको स्थान वुडले लिने

काठमाडौं । इंग्ल्यान्डले तीव्र गतिका बलर जेम्स एन्डरसनले सन्यास लिएपछि वेस्ट इन्डिजविरुद्धको दोस्रो टेस्टका लागि मार्क वुडलाई टोलीमा समावेश गरेको […]

दीपेन्द्र र रोहितले क्यारेबियन टी-१० खेल्ने

काठमाडौं । नेपाली राष्ट्रिय क्रिकेट टोलीका कप्तान रोहितकुमार पौडेल तथा विष्फोटक अलराउन्डर दीपेन्द्रसिंह ऐरी वेस्ट इन्डिजमा आयोजना हुने म्याक्स ६० […]

रौतहट प्रिमियर लिगमा १६ टोलीको सहभागीता रहने

काठमाडौं । रौतहट प्रिमियर लिग (आरपिएल) २०२४ मा १६ क्लबको सहभागीता हुने भएको छ । बुबा ममी इभेन्ट्स तथा स्पोर्टस […]

क्रिकेट प्रशिक्षक प्रशिक्षण कार्यक्रम सम्पन्न

काठमाडौं । सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रीकेट एकेडेमीको समन्वयमा सिन्धुपाल्चोकमा रहेका सामुदायिक तथा सस्थागत बिधालयका खेल […]