आयरल्याण्डका चर्चित ब्याट्सम्यान केभिन ओ’ ब्रायनले बिहिबार ‘आयरल्याण्ड अन्तर प्रदेश टि-२०’ प्रतियोगिताको दौरान आक्रामक ब्याटिंग गर्ने क्रममा आफ्नै कारको शिशा तोडेका छन्।
लिन्सटर लाइटइनिंगको प्रतिनिधित्व गर्ने क्रममा प्लेयर अफ द म्याच चुनिएका केभिनले मात्र ३७ बलमा ८ छक्का र ३ चौका प्रहार गर्दै ८२ रन बनाएका थिए। ८ छक्का प्रहार गर्ने क्रममा उनको एउटा छक्का प्रहार गरेको बलले आफैले पार्क गरेको कारको शिशामा लागेको थियो।
खेलको क्रममा आयरल्याण्ड क्रिकेटले ट्वीट गर्दै केभिनको कारको फोटो पोस्ट गरेको थियो। “केभिन ओ ब्रायनले छक्का हिर्काए …. र उनको आफ्नै कारको झ्याल, साँच्चै” आयरल्याण्ड क्रिकेटले ट्वीटमा लेखेको छ।
📸: KEVIN O’BRIEN SMASHES SIX…
…and his own car window. Seriously.#IP2020 | @TestTriangle ☘️🏏 pic.twitter.com/dKbfDRHrjY
— Cricket Ireland (@Irelandcricket) August 27, 2020
कारको शिशा टुटे पनि ३६ वर्षीय खेलाडीलाई घाटा भने भएन। भाग्यवश उनि आयरल्याण्डको टोयोटा कारकै ब्राण्ड एम्बासडर रहेका छन् र ओ’ब्रायन खेल पछि सोझै टोयोटा अफिस पुगे। टोयोटाले केभिनलाई फुटेको शिशा भित्रबाट चियाउन लगाएर तथा कारसंग फोटो खिचाउदै उनलाई चिन्ता नगर्न र उनको कार जस्ताको तस्तै बनाउने भन्दै पोस्ट गरेको छ। त्यसको जवाफमा केभिनले कम्पनिको सेवाको तारिफ गर्दै अब कार अलि टाढा पार्क गर्छु भन्दै ट्वीट गरेका छन्।
Didn’t need the air-con on the drive up to you lads. 🤣 unreal service once again. Never fails to disappoint. I’ll park further away next time 😝 #BestInTheBusiness https://t.co/tNKTG0tRLA
— Kevin O’Brien (@KevinOBrien113) August 27, 2020
वर्षाले प्रभावित खेलमा लिन्सटरले नर्थ वेस्ट वारियर्सलाई २४ रनले पराजित गर्यो जसमा केभिन प्लेयर अफ द म्याच घोषित भए।
केभिन ओ’ ब्रायनले आयरल्याण्डको लागि १४८ वानडे, ९६ टि-२० र ३ वटा टेस्टमा प्रतिनिधित्व गरेका छन्। २०११ को वानडे विश्वकपमा उनले इंग्ल्यान्ड बिरुद्ध जितमा विश्वकप इतिहासकै छिटो ५० बलमा शतक बनाएका थिए।
यो पनि पढ्नुस :-
https://wicketnepal.com/cpl-trinbago-win-top-table-wn20/
https://wicketnepal.com/nabi-3rd-best-bowling-wn20/
https://wicketnepal.com/5-kheladi-jasko-antim-ipl-wn20/
https://wicketnepal.com/ipl-delhi-jasan-roy-out-wn20/
https://wicketnepal.com/ipl-5-rec-todna-muskil-wn20/
https://wicketnepal.com/ipl-best-bowling-3-teams-wn20/
https://wicketnepal.com/national-cricketer-10-hajar-talab-wn20/
