महिला एसपीएल टि-२० : रुबिना कप्तानीको सुरुंगा फाईनलमा

  • विकेटनेपाल १५ असार, राजबिराज ।

सबल नेपालको आयोजनामा  राजबिराजको पब्लिक विन्देश्वरी क्रिकेट मैदानमा संचालित सप्तरी महिला प्रिमियर लिग प्रतियोगिता अन्तर्गत आईतवार भएको अन्तिम खेलमा सुरुंगा नगरपालिकाले राजबिराज सिस्कालाई ३४ रनले पराजित गर्दै सोमवार हुने फाईनल खेलको लागि आफनो स्थान पक्का गरेको छ।

आईतवार सम्पन्न खेलमा सुरुंगाका कप्तान रुविना क्षेत्रिले टस जितेर पहिलो ब्याटिंग गर्ने निर्णय गर्दै निर्धारित २० ओभरमा ६ विकेटको नोक्सानीमा १ सय १८ रनको योगफल तयार पारेका थियो ।

सुरुंगाका लागि कप्तान रुविना क्षेत्रीले ३६ बलमा ४ चौका मद्दतले ३८ तथा रोमा थापाले ३८ बलमा ४ चौकाको मद्दतले ३५ रनको योगदान दिएका थिए । दुवैले दोश्रो विकेटका लागि ६९ रन जोडे ।

Rubina Chhetri

रुविना र रोमा बाहेक अपसरी बेगमले १७ बलमा २ चौका प्रहार गरि अविजित १८ तथा संगिता राईले १० रनको योगदान दिएका थिए । बलिंगतर्फ राजबिराजका तर्फबाट नेरी थापाले २ तथा अस्मिना कर्मचार्य र कविता जोशिले सामान १ विकेट लिए ।

१ सय १९ रनको चुनौति लिई मैदानमा ओर्लेको राजबिराज सिस्का एन्जलस सुरुंगाले २० ओभरमा ७ विकेट गुमाएर ८४ रनमै समेटिन पुग्यो।

राजबिराजलाई सस्तोमा समेटन सुरुंगाका अफसरी बेगमले आर्कषक बलिंग गर्दै ४ ओभरमा १२ रन दिई महत्वपुर्ण २ विकेट तथा सोमु बिष्ट र निशा साहले सामान १ विकेट लिए।

खेलको प्लेयर अफ द म्याच सुरुंगा नगरपालिकाका अप्सरी बेगम भएका थिए ।

सुरुंगा नगरपालिका र खडक नगरपालिकाको सहयोग तथा सप्तरी क्रिकेट संघ र सेभ द चिल्ड्रेन संगको सहकार्यमा सबल नेपालद्धारा गत १३ गते देखि संचालित प्रतियोगिताको फाईनल खेल असार १६ गते सोमवार सुरुंगा र खडक बिच बिहान ७ बजे देखि हुने जानकारी आयोजक समितिका रोशन मण्डलले जानकारी गराउनु भएको छ ।





थप समाचार

पूर्व कप्तान मल्लको उपस्थितिमा द वन्डल्याण्ड दशैं फेस्टिवल भव्य रूपमा सम्पन्न

ललितपुर बुंगमतिमा स्थित ‘द वन्डरल्याण्ड’ The Wonderland मनोरञ्जन पार्कमा दुई दिने दशैं फेस्टिवल भव्य रुपमा सम्पन्न भएको छ। असोज १८ […]

NPL : शक्ति गौचन लुम्बिनी लायन्सको कन्सल्टेन्ट प्रशिक्षक

राष्ट्रिय क्रिकेट टोलीका पूर्व सदस्य शक्ति गौचनलाई नेपाल प्रिमियर लिग (एनपिएल) को सहभागी टोली लुम्बिनी लायन्सले कन्सल्टेन्ट प्रशिक्षक नियुक्त गरेको […]

अस्ट्रेलिया र इंग्ल्यान्ड विजयी सुरुवात

युएईमा जारी महिला टि ट्वान्टी विश्वकपको साबिक विजेता अस्ट्रेलियाले विजयी सुरुवात गरेको छ । अस्ट्रेलियाले शनिवारको पहिलो खेलमा श्रीलंकालाई पराजित […]

दोश्रो अभ्यास खेलमा नेपाल विजयी

क्यानाडामा भ्रमणमा रहेको नेपाली क्रिकेट टिमले दोश्रो एकदिवसीय अभ्यास खेलमा क्यानडा हाई परफरमेन्स टिमलाई २० रनले पराजित गरेको छ। पहिलो […]

भारतमाथि न्युजिल्यान्डको फराकिलो जित

युएईमा जारी रहेको महिला टि२० विश्वकपमा न्युजिल्यान्डले भारतलाई फराकिलो अन्तरले पराजित गरेको छ । दुबईमा शुक्रवार भएको दिनको दोस्रो खेलमा […]

ब्याटिङ कोल्याप्स हुदा नेपाल पराजित

ब्याटिङमा फेरी चुक्दा नेपाल क्यानडामा फेरी पनि पराजित भएको छ । नेपाल क्यानडामा भएको ५० ओभरको अभ्यास खेलमा क्यानडा हाईप्रफमेन्ससँग […]