नेपालको क्यानडा भ्रमण अन्तर्गत दुई खेलको एकदिवसीय सिरिजको पहिलो खेल टस समेत हुन् नपाई रद्द भएको छ।
ओन्टारियो स्थित किंग सिटि मैदानमा नेपाली समय मंगलबार राति ८:४५ बजे खेल सुरु हुने भनिएता पनि लगातार वर्षाले टस समेत हुन नपाएको हो।
सिरिज अन्तर्गत दोश्रो खेल बुधबार ( जुलाई ६ ) राति नेपाली समय ८:४५ बजे खेलिनेछ।
क्यानडामा सिरिज खेलेर नेपाली टोली उतैबाट नेपाल, स्कटल्यान्ड र नामिबिया सम्मिलित आईसीसी विश्वकप लिग–२ त्रिदेशीय सिरिज खेल्न स्कटल्यान्ड जानेछ । स्कटल्यान्डमा नेपालले पहिलो खेल नामिबियाविरुद्ध जुलाई ११, दोस्रो खेल स्कटल्यान्डविरुद्ध जुलाई १३, तेस्रो खेल नामिबियाविरुद्ध जुलाई १६ र अन्तिम खेल स्कटल्यान्डविरुद्ध जुलाई १७ मा खेल्नेछ ।
नेपाली टोली
सन्दीप लामिछाने (कप्तान), रोहित पौडेल (उपकप्तान), कुशल भुर्तेल, आरिफ शेख, देव खनाल, दीपेन्द्रसिंह ऐरी, करण केसी, सोमपाल कामी, आदिल अन्सारी, वासिर अहमद, किशोर महतो, पवन सर्राफ र विनोद भण्डारी ।
