Sudurpaschim Province vs Gandaki Province Live



खुकुरी कप: एकै खेलमा दुई शतक, बालुवाटारसंग पिसी फाइटर पराजित

Rabin Joshi 50

फिचर फोटो – रबिन जोशी

  • विकेटनेपाल, माघ २८ – आइतबार

मुलपानी मैदानमा जारि खुकुरी च्यालेंजर्स कप टी- २० क्रिकेट अन्तर्गत आइतबार सम्पन्न दुई खेलहरुमा बालुवाटार क्रिकेट क्लब र त्रिमुर्ति ब्वाइजले जित हात पारेका छन्। जितसँगै बालुवाटार समुह ‘बि’ को बिजेता तथा पराजित भएपनि समूह ‘बि’ उप-बिजेता बन्दै क्वार्टरफाइनलमा प्रवेश गरेका छन्।

यस अघिनै समुह ‘ए’ बाट शान्तिनगर युथ क्लब र केसीटिसी, समुह ‘सी’ बाट ग्रेट हिमालय क्रिकेट एकेडेमी र त्रिभुवन आर्मी क्लब र समुह ‘डी’ बाट मकवानपुर क्रिकेट क्लब क्वार्टरफाइनल प्रवेश गरिसकेका छन्।

पहिलो खेल: बालुवाटार क्रिकेट क्लब Vs रोयल पिसी फाइटर

मुलपानी मैदानमा सम्पन्न भएको पहिलो खेलमा पृथु बास्कोटा कप्तानीको बालुवाटार क्रिकेट क्लबले रोयल पिसी फाइटरलाई ६ विकेटले पराजित गर्यो।

स्कोरकार्ड

रोयल पिसी फाइटरले दिएको १५९ रनको लक्ष्य बालुवाटारले १८.२ ओभरमा ४ विकेट गुमाएर पुरा गरेको थियो। बालुवाटारको जितमा प्रनित थापा मगरले ४८ रनको आक्रामक पारि खेले। ओपनर उनले ३५ बलमा ७ चौका र १ छक्का प्रहार गर्दै पहिलो विकेटको लागि सुमन उदयसँग ५२ रनको साझेदारी गरे। उदयले १९ रन बनाए । त्यस्तै पृथु बास्कोटाले १२ रन, अमर सिंह रौटेलाले ३० रन, सिद्धान्त राज शाहीले अविजित २३ रन (१८ बल, ४ चौका) प्रहार गरे।

म्यान अफ द म्याच अमर सिंह रौटेला

यसअघि ब्याटिंग गरेको फाइटरले कप्तान रबिन जोशीले ६४ रनको पारि खेलेपछि २० ओभरमा ४ विकेट गुमाएर १५८ रन बनाएको थियो । जोशीले ५० बलमा ५ चौका र ३ छक्का प्रहार गर्दा सन्दिप सुनारले ३२ रन (२५ बल, ३ चौका, २ छक्का), सुबास खकुरेलले २४ रन (२० बल, ४ चौका) बनाएका थिए । प्रकाश बिस्ट २ चौका र १ छक्का सहित १० बलमा २१ रनमा अविजित रहे ।

१ विकेट र  १६ बलमा ३० रनको पारि खेलेका अमर सिंह रौटेला म्यान अफ द म्याच घोषित भए ।

दोश्रो खेल: त्रिमुर्ति बोयज Vs आईओई पुल्चोक

दोश्रो खेलमा त्रिमुर्ति ब्वाइजले आइओई पुल्चोकलाई ५ विकेटले पराजित गर्यो ।

स्कोरकार्ड

त्रिमुर्तिले आईओई पुल्चोकले दिएको १७१ रनको लक्ष्य २ बल बाकीछदै ५ विकेट गुमाएर पुरा गरेको थियो । उसको जितमा जीवन लम्सालले अविजित १३१ रनको पारि खेले । उनले ७८ बलमा १३ चौका र ४ छक्का प्रहार गरे। त्यस्तै कुशल मिश्रले १५ रन र दिपेन्द्र मगरले १३ रन बनाए।

शतक प्रहार गरेपछि जिभन लम्साल

यसअघि पहिले ब्याटिंग गरेको आईओई पुल्चोकले गौरव खड्काको शतकीय पारिमा २० ओभरमा ३ विकेट गुमाएर १७० रनको योगफल तयार पारेको थियो । ११६ रनको पारि खेल्नेक्रममा खड्काले ६१ बलमा १७ चौका र २ छक्का प्रहार गरे।

मात्र ८ रनमा दुई विकेट गुमाएको पुल्चोकको लागि खड्काले निशब लुइँटेलसँग मिलेर तेस्रो विकेटको लागि १३५ रनको साझेदारी गरेका थिए । निशबले ३१ रन बनाए।

१३१ रनको म्याच जिताउ पारि खेलेका जीवन लम्साल म्यान अफ द म्याच घोषित भए।

अंकतालिका ( पुरा अंकतालिका हेर्न क्लिक गर्नुस

Group B

TEAM MATCH WIN LOSS NO RESULT POINTS
Baluwatar Cricket Club 4 4 0 0 12
Royal PC Fighter 4 3 1 0 9
IOE Pulchowk 4 1 3 0 3
Trimurty Boys 4 1 3 0 3
Lord Buddha Cricket Club 4 1 3 0 3

 

 





थप समाचार

वर्षाले खेल नतिजाविहिन हुँदा नेपाल र नामिबियाले बाँडे अंक ( अंकतालिका सहित )

आईसीसी विश्वकप लिग-२ अनार्गत नामिबियामा जारि त्रिकोणात्मक एकदिवसीय अन्तर्गत नेपाल र आयोजक नामिबिया बीचको खेल वर्षाले प्रभावित हुँदा नतिजाविहिन टुंगिएको […]

U19 National : आकाशको ह्याट्रिक विकेट, सुदूरपश्चिम फाइनल पुग्दा मधेश प्रदेशको पहिलो जित

सुदूरपश्चिम प्रदेश काठमाडौंमा जारी यू–१९ राष्ट्रिय क्रिकेट प्रतियोगिताको फाइनलमा प्रवेश गरेको छ । मुलपानी क्रिमेट मैदानमा शुक्रबार भएको लिग चरणको […]

ICCWCL2 : टस हारेर नेपाल ब्याटिंग गर्दै, करन बाहिर

नामिबियामा जारि आईसीसी विश्वकप लिग-२ अन्तर्गतको त्रिकोणात्मक सिरिजमा आज नेपाल र नामिबिया प्रतिस्पर्धा गर्दैछन्। विन्ढोक स्थित युनाइटेड क्रिकेट क्लब मैदानमा […]

ICCWCL2 : स्कटल्याण्डद्वारा नामिबिया पराजित

घरेलु टोलि नामिबियालाई ४ विकेटले पराजित गर्दै विश्वकप लिग-२ अन्तर्गत त्रिकोणात्मक सिरिजको पहिलो खेलमा स्कटल्याण्डले विजयी सुरुवात गरेको छ। सिरिजमा […]

U19 National : निर्मलको ५ विकेटमा लुम्बिनीको चौंथो जित, गण्डकी जितमा सुबासको ६ विकेट

अन्डर-१९ राष्ट्रिय प्रतियोगिता अन्तर्गत बिहिबार सम्पन्न दुई खेलमा लुम्बिनी प्रदेश र गण्डकी प्रदेश विजयी भएका छन्। प्रदेश नम्बर-१ लाई ६ […]

नेपाल टि-२० लिगबाट कान्तिपुर गोर्खाज बाहिरियो, लिग फेरी सर्ने

यही डिसेम्बर १२ तारिख ( मङ्सिर २६ गते ) देखि काठमाडौँमा आयोजना हुने नेपाल टि-ट्वान्टी लिगबाट काठमाडौँ गोर्खाज टिमले नाम […]