सुरु भयो आईपीएल, कोलकाताद्वारा चेन्नाई पराजित

१५ औं संस्करणको इन्डियन प्रिमियर लिग ( आईपीएल ) अन्तर्गत पहिलो खेलमा कोलकाता नाइट राइडर्सले चेन्नाई सुपर किंग्सलाई ६ विकेटले पराजित गरेको छ।

मुम्बई स्थित वानखेडे स्टेडियममा चेन्नाईले दिएको १३२ रनको लक्ष्य कोलकाताले ९ बल बाँकी रहँदै ४ विकेट क्षेतीमा भेटायो।

कोलकाताको जितमा ओपनर अजिंके रहानेले सर्व्धिक ४४ रन योगदान दिए जुन क्रममा ३४ बलमा ६ चौका र १ छक्का प्रहार गरे। स्याम बिलिंग्सले २५, नितिश रानाले २१, कप्तान श्रेयस ऐयरले अविजित २० रन तथा भेंकटेस ऐयरले १६ रन बनाए। रहाने र ऐयरले ४३ रनको ओपनिंग साझेदारी गरे।

चेन्नाईको बलिंगमा ड्वेन ब्राभोले ३ विकेट ( ४-०-२०-३ ) लिए। १७० विकेट लिंदै ब्राभो लासिथ मलिंगासंगै आईपीएल इतिहासकै सर्वाधिक विकेटकर्ता बनेका छन्। मिचेल स्यांटनरले १ विकेट लिए।

यस अघि टस हारेर ब्याटिंग गरेको चेन्नाईले २० ओभरमा ५ विकेट क्षेतीमा १३१ रन बनाएको थियो।

खराब सुरुवात गरेको चेन्नाईले ६१ रन बनाउदा ५ विकेट गुमाएको थियो। त्यो अवस्थामा कप्तान रभीन्द्र जडेजा र महेन्द्र सिंह धोनीले अविजित ५५ बलमा ७० रनको साझेदारी गरे। धोनीले ३८ बलमा अविजित ५० रन बनाउने क्रममा ७ चौका र १ छक्का प्रहार गरे। जडेजाले २८ बलमा १ छक्का मद्दतले २६ रन बनाए। यस अघि रोबिन उथप्पाले २८ तथा अम्बाती रायडुले १५ रन बनाए।

कोलकाताका बलर उमेश यादवले २ विकेट ( ४-०-२०-२ ) तथा वरुण चक्रवर्ती ( ४-०-२३-१ ) र आन्द्रे रसेलले ( ४-०-३८-१ ) समान १ विकेट लिए।

लिग अन्तर्गत भोलि आइतबार दुई खेल हुनेछन्। दिउँसो ३:४५ बजे दिल्ली क्यापिटल्स र मुम्बई इन्डीएन्स तथा राति ७:४५ बजे पन्जाब किंग्स र रोयल च्यालेन्जर्स बैंगलोर बीच प्रतिस्पर्धा हुनेछ।





थप समाचार

एसपीए कलेजद्वारा क्रिकेटर द्वय भट्ट र रावललाई आजीवन छात्रवृत्ति र नगदसहित सम्मान

क्रिकेटको सहरका रूपमा परिचित धनगढीमा अवस्थित एसपीए कलेजले सुदूरपश्चिमका गौरवशाली युवा क्रिकेटरहरू सचिन भट्ट र सुशील रावललाई आजीवन छात्रवृत्ति र […]

सप्तरी प्राइड लिग-७ : तिरहुट टाइगर्स र राजविराज राजदेवी रोयल्स विजयी

सप्तरीको राजविराजमा जारी सप्तरी प्राइड लिग अन्तर्गत तेश्रो दिन सम्पन्न दुईवटा खेलमा तिरहुट टाइगर्स र राजविराज राजदेवी रोयल्स विजयी भएका […]

सप्तरी प्राइड लिग-७, वारियर्स र टाइगर्स विजयी 

२७ अषाढ, राजबिराज । सप्तरीको राजविराजमा जारी सप्तरी प्राइड लिग अन्तर्गत दोश्रो दिन सम्पन्न दुई खेलमा राजगढ वारियर्स र तिरुहुट […]

सन्दीप लामिछाने बने डेनिम एण्ड डेभिलको ब्राण्ड एम्बासडर

काठमाडौं । नेपाली राष्ट्रिय क्रिकेट टोलीका पूर्व कप्तान तथा लेग स्पीनर सन्दीप लामिछाने डेनिम एण्ड डेभिलको ब्राण्ड एम्बासडर नियुक्त भएका […]

एनपीएल आयोजनाको तयारी अगाडि बढाउन प्रधानमन्त्री ओलीको आग्रह

प्रधानमन्त्री केपी शर्मा ओलीले नेशनल प्रिमियर लिग (एनपिएल) को आयोजनाको तयारी अगाडि बढाउन राष्ट्रिय खेलकुद परिषद् (राखेप)लाई आग्रह गरेका छन् […]

टी–२० विश्वकप छनोट : नेपालको खेल तालिका सार्वजनिक

आगामी अक्टोबरमा ओमानमा आयोजना हुने आइसिसी पुरुष टी–२० विश्वकप एसिया तथा इस्ट एसिया–प्यासिफिक क्षेत्रको संयुक्त छनोट प्रतियोगितामा नेपाल समूह २ […]