हैदराबादमाथि सहज जित निकाल्दै कोलकाता तेस्रो पटक च्याम्पियन

काठमाडौं । १७ औं संस्करणको इन्डियन प्रिमियर लिग (आइपीएल) को फाइनल खेलमा कोलकाता नाइट राईडर्स सनराइजर्स हैदराबादमाथि सहज जित निकाल्दै तेस्रो पटक च्याम्पियन भएको छ ।

एमए चिदम्बरम क्रिकेट स्टेडियम चेन्नईमा भएको फाइनल खेलमा हैदराबादमाथि ८ विकेटको सहज जित निकाल्दै कोलकाताले तेस्रो पटक लिगको उपाधी जितेको हो ।

हैदराबादले दिएको १ सय १४ रनको लक्ष्य कोलकाताले १० दशमलब ३ ओभरमा २ विकेट गुमाएर पूरा गर्यो ।

कोलकाताका लागि वेंकटेस अय्यरले २६ बलमा ४ चौका र ३ छक्काको सहयोगमा अविजित ५२ रनको अर्धशतकीय इनिङ खेले । ओपनर रहमाउल्लाह गुर्वाजले ३२ बलमा ५ चौका र २ छक्काको सहयोगमा ३९ रन बनाए ।

दोस्रो विकेटका लागि अय्यर र गुर्वाजले ४५ बलमा ९१ रनको साझेदारी गरे । अर्का ओपनर सुनिल नारायणले २ बलमा १ छक्काको सहयोगमा ६ रन बनाए ।

हैदराबादका लागि कप्तान प्याट कमिंस र शाहबाज अहमदले समान १/१ विकेट लिए ।

त्यसअघि टस जितेर पहिले ब्याटिङ गरेको हैदराबाद १८ दशमलब ३ ओभरमा अल आउट हुँदै १ सय १३ रन मात्र बनाएको थियो ।

हैदराबादका लागि कप्तान प्याट कमिसंले १९ बलमा सर्वाधिक २४ तथा एडेन मारक्रमले २३ बलमा २० रन बनाए । हेनरिक क्लासेनले १७ बलमा १६ तथा नितिश रेड्डिले १० बलमा १३ रन बनाए । हैदराबादका अन्य खेलाडीले दोहोरो अंकमा रन बनाउन सकेनन् ।

आइपीएल इतिहासको फाइनलमा बनेको यो नै कम योगफल हो ।

कोलकाताका लागि आन्द्रे रसेलले तीन तथा मिचेल स्टार्क र हर्षित रानाले समान दुई दुई विकेट लिए । वैभव अरोरा, सुनिल नारायण र बरुण चक्रवर्तीले समान एक एक विकेट लिए ।

२०१२ र २०१४ मा च्याम्पियन भएको कोलकातालाई तेस्रो पटक च्याम्पियन हुन १० वर्ष पर्खनु परेको थियो । कोलकातालाई दुवै उपाधी जिताएका गौतम गम्भिर हाल कोलकाताको मेन्टरको भुमिकामा रहेका छन् ।

समूह चरणमा कोलकाता पहिलो र हैदराबाद दोस्रो स्थानमा रहेर प्लेअफमा पुगेका थिए । दुवै टोलीबीच यस संस्करणको यो तेस्रो भेट थियो । यसअघिका दुवै भेटमा पनि कोलकाता विजयी भएको थियो ।

समूह चरणको भेटमा कोलकाताले हैदराबादलाई चार रनले पराजित गरेको थियो । पहिलो क्वालिफायरमा हैदराबादलाई नै पराजित गरेर कोलकाताले फाइनलमा स्थान बनाएको थियो । पहिलो क्वालिफायरमा हैदराबाद ८ विकेटले पराजित भएको थियो ।

दोस्रो क्वालिफायरमा राजस्थान रोयल्सलाई ३६ रनले पराजित गरेर हैदराबादले फाइनल यात्रा तय गरेको थियो ।

 





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]