दक्षिण अफ्रीकालाई ६ विकेटले पराजित गर्दै भारतले जारि एकदिवसीय विश्वकपमा विजयी सुरुवात गरेको छ।प्रतियोगितामा दक्षिण अफ्रीकाले लगातार तेश्रो खेल हार्ने क्रममा पहिले ब्याटिंग गर्दै दिएको २२८ रनको लक्ष्य भारतले ४८ औं ओभरमा ४ विकेट गुमाएर पुरा गर्यो। खेलको प्लेयर अफ द म्याच चुनिएका रोहित शर्माले अविजित १२२ रन तथा युज्भेंद्र चाहलले ४ विकेट लिंदै भारतको जितमा अहम योगदान दिए।
कप्तानको रुपमा कोहलीको ५० एकदिवसीय जित
दक्षिण अफ्रिकालाई पराजित गर्ने क्रममा भारतीय कप्तान बिराट कोहलीले भारतको कप्तानको रुपमा ५० एकदिवसीय अन्तर्राष्ट्रिय जित दर्ता गरेका छन्।
यो संगै कोहली ५० एकदिवसीय अन्तर्राष्ट्रियमा जित हाँसिल गर्ने चौथो सबैभन्दा छिटो कप्तान बनेका छन्।
कुल ६९ खेलमा भारतको लागि कप्तानी गरेका कोहलीले ५० जित र १७ हार बेहोरेका छन् भने १ खेल नतिजाविहिन र १ खेल बराबरीमा टुंगिएको छ। कोहलीको जित प्रतिशत ७४.२६ छ।
Virat Kohli records 50th ODI win as Indian skipper. #CWC19 #SAvIND pic.twitter.com/CcBy8cbTc4
— Cricbuzz (@cricbuzz) June 5, 2019
कप्तानको रुपमा छिटो ५० जित हाँसिल गर्ने सुचीमा वेस्ट इन्डिजका क्लाइभ लोयड पहिलो स्थानमा रहेका छन्। लोयडले ६३ खेलमा उक्त रेकर्ड बनाएका थिए। सुचीमा दोश्रो स्थानमा रहेका अस्ट्रेलियन पुर्वकप्तान रिकी पोंटिंगले ६३ तथा तेश्रो स्थानमा रहेका हेन्सी क्रोनिले ६८ खेलमा यो सफलता हाँसिल गरेका थिए।
दक्षिण अफ्रीकासंग ४ विकेट लिने क्रममा विश्वकपमा समेत डेब्यु गरेका युज्भेंद्र चाहल विश्वकप डेब्युमा धेरै विकेट लिने भारतीय खेलाडी बन्न पुगेका छन्।
डेब्युमा ४ विकेट लिने उनि एक्लो भारतीय खेलाडी भने हैनन्। मोहम्मद शामीले २०१५ मा पाकिस्तानसंग र देबासिस मोहन्तिले केन्यासंग १९९९ मा ४/४ विकेट लिएका थिए।
रोहितले उछिने गांगुलीलाई
रोहितको एकदिवसीय करियरको यो २३ औं शतक हो। यस क्रममा रोहित भारतको लागि धेरै एकदिवसीय शतक बनाउने ब्याट्सम्यानको सुचीमा तेश्रो स्थानमा उक्लेका छन्। भारतीय पुर्व कप्तान सौरभ गांगुलीले २२ शतक बनाएका थिए जसलाई रोहितले उछिनेका हुन्। भारतको लागि सचिन तेन्दुलकरले सर्वाधिक ४९ तथा बिराट कोहलीले ४१ एकदिवसीय अन्तर्राष्ट्रिय शतक बनाएका छन्।
यस्तै रोहित लक्ष्य पछ्याउने क्रममा धेरै शतक बनाउने सुचीमा समेत चौथो स्थानमा उक्लेका छन्। ११ वटा शतक लक्ष्य पछ्याउने क्रममा बनाउदै रोहितले तिलकरत्ने दिलशानको बराबरी गरेका छन्। यो सुचीमा बिराट कोहली २५ शतक सहित पहिलो, सचिन तेन्दुलकर १७ शतक सहित दोश्रो र क्रिस गेल १२ शतक सहित तेश्रो स्थानमा रहेका छन्।
एकदिवसीय अन्तर्राष्ट्रियमा धेरै शतक बनाउने भारतीय – ४९ शतक – सचिन तेन्दुलकर , ४१ शतक बिराट कोहली, २३ शतक रोहित शर्मा, २२ शतक – सौरभ गांगुली, १६ शतक – शिखर धवन, १५ शतक – बिरेन्द्र सेहवाग, १४ शतक – युबराज सिंह, १२ शतक – राहुल द्रविड, ११ शतक – गौतम गम्भीर , ९ शतक – महेन्द्र सिंह धोनी
