कोहलीको आक्रामक शतक तथा ठाकुरको बलिंगले भारतको बिशाल जित

  • विकेटनेपाल, फाल्गुन ४ – शुक्रबार 

कप्तान बिराट कोहलीले ३५ औं एकदिवसीय शतक प्रहार गरेपछि भारतले छैठौं एकदिवसीयमा दक्षिण अफ्रीकालाई ८ विकेटले पराजित गरेको छ। जितसंगै भारतले ६ एकदिवसीयको सिरिज ५/१ ले आफ्नो नाम गर्यो। यस अघि सम्पन्न टेस्ट शृंखला भने दक्षिण अफ्रीकाले २/१ ले जितेको थियो।

दक्षिण अफ्रीकाले पहिले ब्याटिंग गर्दै दिएको २०५ रनको लक्ष्य पछ्याउन भारतले ३२.१ ओभर मात्रै लगायो। ओपनर रोहित शर्मा १५ तथा शिखर धवन १८ रन बनाएर आउट भएपछि बिराट कोहली र अजिंके रहानेले तेश्रो विकेटको लागि १२६ रनको साझेदारी गर्दै भारतलाई जितसम्म पुर्याए।

एकदिवसीय करियरको ३५ औं शतक प्रहार गर्ने क्रममा कोहलीले अविजित १२९ रन बनाए। ९६ बल खेलेका कोहलीले १९ चौका र २ छक्का प्रहार गरे। वानडे सिरिजमा दक्षिण अफ्रीका बिरुद्ध कोहलीको यो तेश्रो शतक हो। यस अघि कोहलीले पहिलो एकदिवसीयमा ११२ रन तथा तेश्रो एकदिवसीयमा अविजित १६० रन बनाएका थिए। कोहलीनै खेलको प्लेयर अफ द म्याच चुनिए।

टस हारेर ब्याटिंग गरेको दक्षिण अफ्रीकाले ४६.५ ओभरमा सबै विकेट गुमाएर २०४ रन मात्रै बनाउन सक्यो। खेल जीवनको दोश्रो एकदिवसीय तथा सिरिजमा पहिलो खेल खेल्ने क्रममा दायाँहाते मिडियम पेस बलर शार्दुल ठाकुर एक्लैले दक्षिण अफ्रीकाको ४ विकेट ( ८.५-०-५२-४ ) हात पारे भने जस्प्रित बुम्रा ( ८-१-२४-२ ) र युजबेन्द्र चाहलले ( १०-०-३८-२ ) समान २/२ विकेट हात पारे। हार्दिक पान्ड्या र कुलदिप यादबले पनि १/१ विकेट लिए।

शार्दुल ठाकुर

घरेलु टिमको लागि करियरको दोश्रो एकदिवसीय खेल्ने क्रममा खाया जोन्डोले सर्बाधिक ५४ रन बनाए। ७४ बलमा उनले ३ चौका र २ छक्का प्रहार गरे। अफ्रीकाको लागि एन्डीले फेलुक्वायोले ३४,  एबि डी भिल्लर्सले ३०, एडेन मारक्रमले २४ रन योगदान दिए।

६ वटा खेल र नतिजा 

पहिलो वानडे – भारत ६ विकेटले बिजयी
दोश्रो वानडे – भारत ९ विकेटले बिजयी
तेश्रो वानडे – भारत १२४ रनले बिजयी
चौथो वानडे – दक्षिण अफ्रीका ५ विकेटले बिजयी
पाँचौ वानडे – भारत ७३ रनले बिजयी
छैठौं वानडे – भारत ८ विकेटले बिजयी

( फोटो – बिसीसीआई )





थप समाचार

गल्फद्वारा दीपेन्द्रलाई रिटेन

काठमाडौं । युएईमा आयोजना हुने अन्तराष्ट्रिय टी-२० लिग क्रिकेट लिगमा गल्फ जायन्ट्सले नेपालका दीपेन्द्रसिंह ऐरीलाई आगामी संस्करणका लागि रिटेन गरेको […]

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]