- विकेटनेपाल, फाल्गुन ४ – शुक्रबार
कप्तान बिराट कोहलीले ३५ औं एकदिवसीय शतक प्रहार गरेपछि भारतले छैठौं एकदिवसीयमा दक्षिण अफ्रीकालाई ८ विकेटले पराजित गरेको छ। जितसंगै भारतले ६ एकदिवसीयको सिरिज ५/१ ले आफ्नो नाम गर्यो। यस अघि सम्पन्न टेस्ट शृंखला भने दक्षिण अफ्रीकाले २/१ ले जितेको थियो।
दक्षिण अफ्रीकाले पहिले ब्याटिंग गर्दै दिएको २०५ रनको लक्ष्य पछ्याउन भारतले ३२.१ ओभर मात्रै लगायो। ओपनर रोहित शर्मा १५ तथा शिखर धवन १८ रन बनाएर आउट भएपछि बिराट कोहली र अजिंके रहानेले तेश्रो विकेटको लागि १२६ रनको साझेदारी गर्दै भारतलाई जितसम्म पुर्याए।
एकदिवसीय करियरको ३५ औं शतक प्रहार गर्ने क्रममा कोहलीले अविजित १२९ रन बनाए। ९६ बल खेलेका कोहलीले १९ चौका र २ छक्का प्रहार गरे। वानडे सिरिजमा दक्षिण अफ्रीका बिरुद्ध कोहलीको यो तेश्रो शतक हो। यस अघि कोहलीले पहिलो एकदिवसीयमा ११२ रन तथा तेश्रो एकदिवसीयमा अविजित १६० रन बनाएका थिए। कोहलीनै खेलको प्लेयर अफ द म्याच चुनिए।
?! Third century of the series for @imVkohli and his 35th in ODI cricket.#SAvIND pic.twitter.com/ZRTItuF5SA
— BCCI (@BCCI) February 16, 2018
टस हारेर ब्याटिंग गरेको दक्षिण अफ्रीकाले ४६.५ ओभरमा सबै विकेट गुमाएर २०४ रन मात्रै बनाउन सक्यो। खेल जीवनको दोश्रो एकदिवसीय तथा सिरिजमा पहिलो खेल खेल्ने क्रममा दायाँहाते मिडियम पेस बलर शार्दुल ठाकुर एक्लैले दक्षिण अफ्रीकाको ४ विकेट ( ८.५-०-५२-४ ) हात पारे भने जस्प्रित बुम्रा ( ८-१-२४-२ ) र युजबेन्द्र चाहलले ( १०-०-३८-२ ) समान २/२ विकेट हात पारे। हार्दिक पान्ड्या र कुलदिप यादबले पनि १/१ विकेट लिए।
घरेलु टिमको लागि करियरको दोश्रो एकदिवसीय खेल्ने क्रममा खाया जोन्डोले सर्बाधिक ५४ रन बनाए। ७४ बलमा उनले ३ चौका र २ छक्का प्रहार गरे। अफ्रीकाको लागि एन्डीले फेलुक्वायोले ३४, एबि डी भिल्लर्सले ३०, एडेन मारक्रमले २४ रन योगदान दिए।
६ वटा खेल र नतिजा
पहिलो वानडे – भारत ६ विकेटले बिजयी
दोश्रो वानडे – भारत ९ विकेटले बिजयी
तेश्रो वानडे – भारत १२४ रनले बिजयी
चौथो वानडे – दक्षिण अफ्रीका ५ विकेटले बिजयी
पाँचौ वानडे – भारत ७३ रनले बिजयी
छैठौं वानडे – भारत ८ विकेटले बिजयी
( फोटो – बिसीसीआई )
