स्कटल्याण्ड बिरुद्ध जित पछि कोहली भन्छन् -“नोभेम्बर ७ मा के हुन्छ, हेर्न रोचक हुनेछ”

टि-ट्वान्टी विश्वकपमा लगातार दुई हारपछि उत्कृस्ट पुनरागमन गर्ने क्रममा भारतले अफगानिस्तान र त्यसपछि स्कटल्याण्डलाई ठूलो अन्तरले पराजित गर्यो। दुबई अन्तर्राष्ट्रिय मैदानमा स्कटल्याण्डले दिएको ८६ रनको लक्ष्य ६.३ ओभरमा पछ्याउदै भारतले दोश्रो जितको साथ नेट रनरेटमा न्युजिल्यान्ड र अफगानिस्तान दुवैलाई पछि पार्यो। विश्वकपको सेमीफाइनल पुग्न भारतको नजर अफगानिस्तान र न्युजिल्यान्ड बीचको खेलमा हुनेछ जुन खेलमा अफगानिस्तान विजयी भए र भारतले अन्तिम खेलमा नामिबियालाई पराजित गरे नेट रन रेटमा भारत र अफगानिस्तान मध्ये उत्कृस्ट हुने टिम सेमीफाइनल पुग्नेछ।

“यो निकै शानदार जित थियो जसको लागि हामि भोको थियौं। अब नोभेम्बर ७ मा के हुन्छ, हेर्न रोचक हुनेछ। आजको जितको बारेमा धेरै बोल्न चाहन्न किनकि हामीलाई थाहा छ कि हाम्रो क्षमता के हो। यहाँको मैदानमा टस जित्नु पनि निकै महत्वपूर्ण छ।” कोहलीले बताए।

नेट रन रेटमा अफगानिस्तान र न्युजिल्यान्ड दुवैलाई पछि पार्न भारतले ८६ रनको लक्ष्य ४३ बलमा पछ्याउन पर्थ्यो जुन भारतले हासील पनि गर्यो। कोहलीले टिमको योजना बारे बताए – “हामि उनीहरुलाई अधिकतम ११०-१२० मा रोक्न चाहन्थ्यौं। बलरहरु र त्यसपछि राहुल र रोहितले निकै राम्रो गरे। हामीले ब्याटिंग सुरुवात गर्दा ८-१० ओभर सम्ममा जित्ने बारे सोचेका थियौं किनकि विकेट गुमेको खण्डमा अर्को २० बल खेल्दा निकै नोक्सान हुन सक्थ्यो। हाम्रो प्राकृतिक रुपमा खेल्ने जसले गर्दा रन आफै छिटो बन्ने सोच थियो।”

कोहलीले जितमा अहम योगदान दिएका रभीन्द्र जडेजा, मोहम्मद शामी, केएल राहुल र रोहित शर्माको तारिफ गरे। शामि र जडेजाले समान तिन विकेट लिए भने राहुलले ५० तथा रोहितले ३० रन बनाए।

“यदी तपाई हाम्रो अभ्यास खेलहरु हेर्नुहुन्छ भने हामि यसरी नै ब्याटिंग गरिरहेका थियौं र पावरप्लेमा राम्रो गरेका थियौं। १-२ खेलमा त्यस्तो हुन सकेन जुन खेलमा हामीले १-२ वटा लगातार सफल ठूलो ओभर पाउन सकेनौं। बिपक्षी टिमले पनि राम्रो बलिंग गर्दै हामीमा दबाब बनाए। आज जडेजाले निकै राम्रो बलिंग गरे भने शामी पनि उत्कृस्ट थिए।”

भारतले आगामी खेल नोभेम्बर ८ तारिखमा नामिबिया बिरुद्ध खेल्नेछ। न्युजिल्यान्ड र अफगानिस्तान बीचको खेल नोभेम्बर ७ तारिखमा हुनेछ जुन खेलमा भारतको नजर हुनेछ। न्युजिल्यान्ड विजयी भए अफगानिस्तान र भारत प्रतियोगिताबाट बाहिर हुनेछ। अफगानिस्तान विजयी भए न्युजिल्यान्ड बाहिर हुनेछ भने भारत र अफगानिस्तान मध्ये नेट रन रेट उत्कृस्ट हुने टिम सेमीफाइनल पुग्नेछ।





थप समाचार

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]

गायकवाडको शतकमा लखनाउलाई २११ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा कप्तान ऋतुराज गायकवाडको शतकको सहयोगमा चेन्नई सुपर किंग्सले […]