इंग्ल्याण्डमा जारि एकदिवसीय विश्वकप अन्तर्गत भारत र पाकिस्तान बीच जारि खेलमा भारतीय कप्तान बिराट कोहलीले नयाँ विश्वकिर्तिमान कायम गरेका छन्।
पाकिस्तानसंग टस हारेर ब्याटिंग गर्ने क्रममा तेश्रो नम्बरमा ब्याटिंग गरेका कोहलीले व्यक्तिगत ५७ रन बनाए संगै एकदिवसीय अन्तर्राष्ट्रियमा ११,००० रन पुरा गरेका हुन्।
११,००० रन पुरा गरे कोहली विश्वकै सबैभन्दा छिटो ब्याट्सम्यान बनेका छन्। कोहलीले मात्र २२२ इनिंगमा उक्त रन पुरा गरेका हुन् जुन दोश्रो नम्बरमा रहेका सचिन तेन्दुलकर भन्दा निकै छिटो हो।
सचिन तेन्दुलकरले सन् २००२ जनवरीमा इंग्ल्याण्डसंग ११,००० रन पुरा गर्ने क्रममा २७६ इनिंग खेलेका थिए। १७ वर्ष पछि कोहलीले यो रेकर्ड तोडेका हुन।
कोहलीले गत वर्ष अक्टोबरमा वेस्ट इन्डिजसंग एकदिवसीय अन्तर्राष्ट्रियमा १०,००० रन पुरा गरेका थिए। सो क्रममा पनि उनले सचिन सबै भन्दा छिटो १०,००० रन बनाउने ब्याट्सम्यानको रेकर्ड तोड्दै २०५ इनिंगमा उक्त रन बनाएका थिए।
No. of inns between each 1000 run milestones for Virat Kohli:
0 to 1000 – 24 inns
1k to 2k – 29 inns
2k to 3k – 22 inns
3k to 4k – 18 inns
4k to 5k – 21 inns
5k to 6k – 22 inns
6k to 7k – 25 inns
7k to 8k – 14 inns
8k to 9k – 19 inns
9k to 10k – 11 inns
10k to 11k – 17 inns— Bharath Seervi (@SeerviBharath) June 16, 2019
११,००० रन पुरा गर्ने कोहली विश्वकै नवौं खेलाडी तथा तेश्रो भारतीय खेलाडी समेत हुन। भारतीय ब्याट्सम्यान मध्ये यस अघि सचिन तेन्दुलकर र सौरभ गांगुलीले मात्र ११,००० रन पुरा गरेका थिए।
११,००० रन पुरा गर्ने ब्याट्सम्यान मध्ये कोहली ( २२२ इनिंग ) पछि सचिन ( २७६ इनिंग ), तेश्रो छिटो रिकी पोंटिंग ( २८६ इनिंग ) छन्। यस्तै चौथो छिटो सौरभ गांगुली ( २८८ इनिंग ) पाँचौ छिटो ज्याक कालिस ( २९३ इनिंग ) रहेका छन्।
एकदिवसीय अन्तर्राष्ट्रियमा १४ जना ब्याट्सम्यानले मात्र १०,००० रन माथि बनाएका छन्। सबैभन्दा धेरै सचिन तेन्दुलकरले १८,४२६ , कुमार संगाकाराले १४,२३४, रिकी पोंटिंगले १३,७०४, सनथ जयसुर्यले १३,४३०, महेला जयवर्द्धनेले १२,६५०, इन्जमाम उल हकले ११,७३९, ज्याक कालिसले ११,५७९, सौरभ गांगुलीले ११,३६३, बिराट कोहलीले ११,०००+, राहुल द्रविडले १०,८८९, महेन्द्र सिंह धोनीले १०,५६१, ब्रायन लाराले १०,४०५, तिलकरत्ने दिल्सानले १०,२९० तथा क्रिस गेलले १०,२५८ रन बनाएका छन्।
एकदिवसीय अन्तर्राष्ट्रियको वरियतामा पहिलो स्थानमा रहेका कोहलीले सन् २००८ मा श्रीलंका बिरुद्ध डेब्यु गरेका थिए। यस क्रममा दायाँ हाते ब्याट्सम्यानले ४१ शतक र ५० अर्धशतक प्रहार गरिसकेका छन्।
Virat Kohli gets to the 11,000 mark in 54 fewer innings than Sachin Tendulkar ?#INDvPAK #CWC19 https://t.co/n0eD4zAHyQ pic.twitter.com/u9gxvFifqO
— ESPNcricinfo (@ESPNcricinfo) June 16, 2019
सचिन तेन्दुलकर पछि एकदिवसीयमा धेरै शतक बनाउने रेकर्ड पनि कोहलीकै नाममा रहेको छ। सचिनले ४९ शतक बनाएका थिए भने कोहली उनको रेकर्ड तोड्न अब मात्र ९ शतक टाढा रहेका छन्। ५० शतक बनाउने पहिलो ब्याट्सम्यान बन्ने समेत कोहलीको सम्भावना रहेको छ। कोहली पछि धेरै शतक बनाउनेमा तेश्रो नम्बरमा रहेका रिकी पोंटिंगको ३० शतक रहेको छ।
टेस्ट क्रिकेटमा कोहलीले ७७ खेलमा २५ शतक मदतले ६६१३ रन बनाईसकेका छन्। टि-२० अन्तर्राष्ट्रियमा उनले ६७ खेलमा २२६३ रन बनाएका छन् जसमा शतक सामेल छैन। क्रिकेटको ३ वटै फर्म्याटमा कोहलीको ब्याटिंग औशत ५० भन्दा बढी रहेको छ।
