भारत र न्युजिल्यान्ड बीच इंग्ल्यान्डको द रोज बल साउथह्याम्पटनमा जारि आईसीसी वर्ल्ड टेस्ट च्याम्पियनसिपको दोश्रो दिनको चिया सत्रको खेल सकिंदा टस हारेर ब्याटिंग गरेको भारतले ५५.३ ओभरमा १२० रन बनाउदा ३ विकेट गुमाएको छ।
पहिलो सेसनमा ६९/२ को अवस्थाबाट दोश्रो सेसनमा भारतले चेतेश्वर पुजारालाई गुमाउन पुग्यो। पुजारा ५४ बलमा ८ रन बनाएर ट्रेन्ट बोल्टबाट एलबिडब्लु आउट हुन पुगे। यस अघि रोहित शर्मा ३४ तथा शुबमन गिल २८ रन बनाएर आउट भएका थिए।
चौथो विकेटको लागि कप्तान बिराट कोहली र अजिंके रहानेले ३२ रनको साझेदारी गर्दा खराब प्रकाशले खेल रोकिएपछि चिया सत्र घोषणा गरिएको हो। कोहली ९४ बलमा १ चौका मद्दतले ३५ रन तथा रहाने ५४ बलमा १ चौका मद्दतले १३ रनमा ब्याटिंग गरिरहेका छन्।
न्युजिल्यान्डको लागि ट्रेन्ट बोल्ट ( ११-१-२९-१ ) , कायल जेमीसन ( १२-७-१४-१ ) र निल वाग्नर ( ९-३-१९-१ ) ले सन् १ विकेट लिएका छन्।
टेस्ट अन्तर्गत हिजो पहिलो दिनको खेल वर्षाका कारण टस समेत हुन नपाई रद्द भएको थियो।
