विकेटनेपाल, १७ चैत्र -शनिवार | धनगढी प्रिमियर लिग (डिपिएल) को दोस्रो संस्करण सुरुहुन् अघि काठमाडौं गोल्डेन्सका खेलाडीलाई पितृ शोक लागेको छ । प्रतियोगिताको उद्घाटन खेलमा काठमाडौंले आज टिम चौराह धनगढीको सामना गर्दैछ ।
डिपिएलको नियम अनुसार प्रत्येक टोलिमा २ जना बिदेशी खेलाडी हुने प्राबधान स्वरूप काठमाडौंले जयकिसन कोल्सावाला र सन्नी पटेललाई भित्राएको थियो । तर जयकिसन कोल्सावालालाई पितृ शोक परेपछि उनि भारत फर्किने भएका छन् । कोल्सावालाका पिताको आज क्यान्सरका कारण मृतुभएको जानकारी प्राप्त भएको छ । कोल्सावालाले चौराह बिरुद्दको पहिलो खेलभने खेल्नेछन् । खेलपछि उनि भारत फर्कने काठमाडौं गोल्डेन्सले विकेटनेपाललाई जानकारी दिएको छ ।
कोल्सावालालाई परेको पितृशोकका कारण टिम चौराह धनगढी बिरुद्दको खेलमा काठमाडौं गोल्डेन्सका खेलाडीले कालो पट्टि लगाउने भएका छन् । अन्तर्राष्ट्रिय खेलकुदको जगतमा समेत यदि कसैको मृतुभएमा श्रद्धाञ्जली स्वरूप खेलाडीले हातमा कालो पट्टि बाध्ने प्रचलन रहेको छ । कोल्सावालाका पिताको निधनमा श्रद्धाञ्जली अर्पण स्वरूप खेलाडीले कालो पट्टि बाध्ने भएका हुन् । काठमाडौं गोल्डेन्सले कोल्सावालाको स्थानमा भित्र्याउने नयाँ खेलाडीको भने टुंगो लगाएको छैन।
यसअघि २०१७ डिसेम्बरमा सम्पन्न इपिएलमा ललितपुर प्याट्रीएट्सको लागि खेलेका जयकिशन कोल्सावालाले राम्रो प्रदर्शन गरेका थिए। कोल्सावालाले ललितपुरलाई प्लेअफसम्म पुर्याउन ७ खेलमा २२७ रन बनाउदै टिम सबैभन्दा सफल खेलाडी मध्ये आफुलाई उभ्याउन सफल भएका थिए।
काठमाडौँ गोल्डेन्स टिम :
ज्ञानेन्द्र मल्ल, नरेश बुढायर, ललित राजबंशी, अमित श्रेष्ठ, सन्तोष भट्ट, किशोर महतो, रासिद खान, संजय श्रेष्ठ, शाहब आलम, पुष्प थापा, भुपेन्द्र थापा, संजय बस्नेत, जयकिशन कोल्सावाला, सन्नी पटेल
