- विकेटनेपाल – १६ बैशाख, सोमबार
सुर्खेतमा जारि वाईवाई कर्णाली प्रिमियर लिग-२ प्रतियोगिता अन्तर्गत पाँचौ दिनको पहिलो खेलमा महेन्द्रनगर क्रिकेट एकेडेमीले जित हात पारेको छ। सोमबार सम्पन्न पहिलो खेलमा महेन्द्रनगरले हिमालयन क्रिकेट एकेडेमीलाई ५ रनले पराजित गर्यो।
खेलमा टस जितेर ब्याटिंग गरेको महेन्द्रनगरले निर्धारित २० ओभरमा ५ विकेट गुमाएर १५१ रन बनाएको थियो। १५२ रनको लक्ष्य पछ्याउन मैदान उत्रिएको हिमालयनले २० ओभरमा ७ विकेट गुमाएर १४६ रन मात्र जोड्न सक्यो।
हिमालयनको ब्याटिंगमा पदम केसीले ५० तथा दिपेन्द्र ऐरीले अविजित २९ रन जोडेपनि जितका लागि पर्याप्त भएन। महेन्द्रनगरको बलिंगतर्फ बिक्रम ठगुन्नार आकाश चन्दले समान २-२ विकेट हात पारे।
यसअघि पहिले ब्याटिंग गरेको महेन्द्रनगरका लागि किरन ठगुन्नाले अविजित ४१ रन जोडेका थिए। यस्तै दिनेश आग्रीले व्यक्तिगत ३३ रनको योगदान गरे। हिमालयनको बलिंगमा शरद खड्काको नाममा २ विकेट रहेको थियो।
खेलको प्लेयर अफ द म्याच किरन ठगुन्ना घोषित भए।
समूह “बि” अन्तर्गत महेन्द्रनगरको यो पहिलो जित समेत हो। २ खेल खेलेको महेन्द्रनगरको १ जित र समान हार सहित २ अंक रहेको छ। यस्तै हिमालयनले भने आफ्नो दुबै खेल गुमाउँदा अंक जोड्न सकेको छैन। समुहको शिर्ष स्थानमा २ खेल खेल्दै दुबैमा जित दर्ता गरेको एपीएफ रहेको छ।
