देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ।
नेपाली अन्डर -१९ टिमले जुन ४ तारिख देखि मलेसियामा अन्डर-१९ विश्वकप एसिया छनोट खेल्दैछ जहाँ कृतिकाले पहिलो पटक जुनियर टिमको कप्तानी सम्हाल्नेछिन्। प्रतियोगितामा नेपाल सहित मलेसिया, युएई, थाइल्याण्ड, चिन, भुटान, म्यानमार र कतार बीच प्रतिस्पर्धा हुनेछ।
२०१९ मा चिनमा आयोजित बि एण्ड आर कपमा पहिलो पटक नेपाली यु-१९ टिमको प्रतिनिधित्व गर्ने क्रममा कृतिका प्रतियोगिताकै उत्कृस्ट बलर घोषित भएकी थिईन्। १८ वर्षीय कृतिका घरेलु क्रिकेटमा लुम्बिनी प्रदेशको प्रतिनिधित्व गर्दै आएकी छिन्।