मृगौला पिडित राष्ट्रिय क्रिकेटर कुन्दन सिंहलाई सहयोगका लागि प्रदेश-२ क्रिकेट संघले चलाएको अभियान अन्तर्गत अस्ट्रेलियाको मेलबर्न सहर स्थित नेपालि खेलप्रेमिहरुबाट आर्थिक सहयोग प्राप्त भएको छ।
पूर्रा यु-१९ राष्ट्रिय क्रिकेटर यशवन्त सुवेदीद्धारा संकलन गरिएको उक्त रकम प्रदेश क्रिकेट संघ प्रदेश नं. २ को खातामा दाखिला गरिएको जानकारी प्रदेशका सचिव आयुश श्रेष्ठले जानकारी गराउनु भएको छ। जस अन्तर्गत अष्ट्रेलियन डलर २ हजार २ सय चालिस रुपैयाँ अर्थात नेपालि रुपैया १ लाख ८९ हजार २ सय ८० रुपैया खातामा प्राप्त भएको श्रेष्ठले जानकारी गराउनु भएको छ।
कुन्दन सिंह बचाउ अभियान अन्तर्गत रकम संकलनमा देश बिदेशबाट राम्रो सहयोग संकलन भई रहेता पनी प्रदेश-२ क्रिकेट संघले उनको लागि मृगौला दाता खोज्नु पर्ने महत्वपुर्ण रहेको र प्रत्यारोपणको लागि लाग्ने खर्चको लागि संघले आवश्यक सहयोग गर्ने समेत निर्णय गरेको छ।
हालसम्म कुन्दन सिंह बचाउन अन्तर्गत प्रदेश क्रिकेट संघ प्रदेश नं. २ ले गत महिना १ लाख रुपैयाँ सहयोग गरिसकेको छ भने धनुषाका क्रिकेट खेलाडि तथा खेल प्रेमिहरुले ६ लाख ६१ ह्जार ८ सय रुपैयाँ संकलन गरिएको थियो। यस्तै क्रिकेट अभियन्ता बिज्ञान कार्किले ३ लाख भन्दा बढि संकलन गरिसेकोका छन् । त्यसै गरि अभियानलाई अस्ट्रेलियाको एडीलेड नेप्लिज क्रिकेट एसोसिएसनले पनि क्रिकेटर सुनम गौतमको अगुवाइमा ९४ हजार सहयोग प्रदान गरिसकेको छ।
कुन्दनलाई २ साता अघि कोरोना संक्रमण समेत देखिएको थियो। कोरोना भने उनलाई निको भैसकेको छ।
२५ वर्षीय अलराउण्डर खेलाडी सिंहले घरेलु राष्ट्रिय क्रिकेट प्रतियोगिताहरुमा प्रदेश नम्बर-२ को प्रतिनिधित्व गरिसकेका छन्। अन्तिम पटक उनले २ वर्ष अघि काठमाडौँमा सम्पन्न प्रधानमन्त्री कपमा पनि सहभागिता जनाएका थिए। त्यस अघि पनि आफ्नो क्षेत्रको लागि अन्डर-१६ र अन्डर-१९ प्रतियोगिताहरुमा करिब ७ वर्ष देखि कुन्दन सहभागी हुँदै आएका छन्।
२०१४ मा काठमाडौँमा आयोजित अन्डर-१९ राष्ट्रिय प्रतियोगिता तथा २०१५ को सिनियर वानडे राष्ट्रिय प्रतियोगितामा कुन्दनले तत्कालिन क्षेत्र नम्बर-७ जनकपुरको प्रतिनिधित्व गरेका थिए। २०१४ यु-१९ रास्ट्रिय प्रतियोगितामा उनले काठमाडौँ बिरुद्ध एकै खेलमा ५ विकेट लिएका थिए।
कुन्दनलाई सहयोग गर्न चाहनुहुन्छ भने :-
प्रदेश नम्बर-२ मार्फत
ईसेवा – 9829779349
बैंक – Province Cricket Association , 0250000877CA ( Century Bank , Branch – Rajbiraj )
कुन्दन सिंहलाई सम्पर्क गर्न – 9864087190 , 9815824538
यो पनि पढ्नुस :-
CPL-T20 : सन्दिपको दोश्रो खेल भोलि पोलार्डको टिम ट्रिनबागोसंग ( सम्पूर्ण जानकारी )
CPL : जमैकाद्वारा सेन्ट लुसिया पराजित, राम्रो रह्यो सन्दिपको प्रदर्शन
