आइसिसी लिग-२ : कुशलको शतक र करनले ५ विकेट लिंदा नेपालको कीर्तिमानी जित

ओपनर ब्याट्सम्यान कुशल भुर्तेल चम्किएपछि आइसिसी एकदिवसीय विश्वकप क्रिकेट लिग-२ अन्तर्गत त्रिदेशीय सिरिजमा नेपालले सुखद सुरुवात गरेको छ ।

त्रिवि मैदान कीर्तिपुरमा सोमबार भएको पहिलो खेलमा नेपालले नामिबियालाई दुई विकेटले हरायो । नामिबियाले दिएको दुई सय ८६ रनको विजयी लक्ष्य पछ्याएको नेपालले ४७.४ ओभरमा आठ विकेटको क्षतिमा पूरा गरेको हो । नेपालले एकदिवसीय क्रिकेटमा पूरा गरेको यो सर्वाधिक ठूलो योगफल हो ।

नेपालले नामिबियालाई हराएको पनि यो पहिलो पटक हो । नेपालका लागि कुशल भुर्तेलले सर्वाधिक एक सय १५ रन बनाए । कुशलले एक सय १३ बलमा १० चौका र चार छक्काको सहयोगमा उक्त रन बनाए। कप्तान रोहित पौडेलले ७२, सन्दीप जोराले २८, ज्ञानेन्द्र मल्लले २५ र करण केसीले २० रन बनाए ।

बलिङमा नामिबियाका रुवेन ट्रम्पलम्यान र जान निकोलले तीत तीन विकेट लिए । टांगेनी लुङ्गामेनी र बेर्नाड स्कल्र्टले एक एक विकेट लिए ।

Karan KC
Karan KC

यसअघि टस हारेर पहिले ब्याटिङको निम्तो पाएको नामिबियाले निर्धारित ५० ओभरमा सबै विकेटको क्षतिमा दुई सय ८५ रन बनाएको थियो ।

नामिबियाका लागि माइकल भ्यान लिङ्गेनले शतकीय पारी खेले । उनले एक सय ३३ रन बनाए । कप्तान गेर्हार्ड इरास्मसलाई ५६, जेन ग्रिनले ३४, कार्ल ब्रिकेनस्टकले १३, जान फ्रिलिंकले १३ र रुवेल ट्रुम्पेलम्यानले ११ रन बनाए ।

बलिङमा नेपालका करण केसीले पाँच विकेट लिए जुन क्रममा १० ओभरमा १ मेडन ओभर गर्दै ६१ रन खर्चिए । सन्दीप लामिछानेले तीन तथा कुशल मल्ल र सोमपाल कामीले एक एक विकेट लिए । नामिबियासँगको यस खेलमा पूर्व कप्तान सन्दीपले पाँच महिलापछि टोलीमा पुनरागमन गरेका हुन् ।

आफ्नो पहिलो ओेभरमै नामिबियाको विकेट झारेपछि सन्दीप मैदानमै भावुक बनेका थिए । उनलाई टोलीका सदस्यले सान्त्वना दिँदै थप विकेटका लागि हौसला बढाएका थिए । जितसँगै सिरिजमा २५ खेल सकेको नेपाल २० अङ्क जोड्दै छैटौँ स्थानमा छ। ३१ खेलबाट ३७ अङ्क बनाएको नामिबिया तेस्रो स्थानमा छ ।

तीन टोली सहभागी सिरिजको दोस्रो खेलमा नेपालले फागुन ५ गते स्कटल्यान्ड, फागुन ६ गते नामिविया र ९ गते स्कटल्यान्डसँग प्रतिस्पर्धा गर्नेछ । स्कटल्यान्ड अहिले ३२ खेलबाट ४६ अङ्क जोड्दै शीर्षस्थानमा छ ।

भुर्तेलको पहिलो सतक

नामिबियाविरुद्धके खेलमा नेपालका ओपनर कुशल भुर्तेललले सतक पूरा गरेका छन् । कुशलले एक सय १३ बलमा १० चौका र चार छक्काको सहयोगमा एक सय १५ रन बनाए । उनको यो एकदिवसीय अन्तर्राष्ट्रियमा पहिलो सतक हो ।

टी–२० र एकदिवसीय अन्तर्राष्ट्रियमा सतक बनाउने भुर्तेल तेस्रो नेपाली खेलाडी पनि बनेका छन्। यसअघि पूर्व कप्तान पारस खड्का र दीपेन्द्र सिंह ऐरीले दुबै फर्म्याटमा सतक प्रहार गरेका थिए । एकदिवसीय अन्तर्राष्ट्रियमा सतक बनाउने भुर्तेल पहिलो ओपनर पनि बनेका छन्।

रोहितको एकदिवसीयमा हजार रन पूरा

नेपाली क्रिकेट टोलीका कप्तान रोहित पौडेल एकदिवसीय क्रिकेटमा एक हजार रन पूरा गर्ने पहिलो नेपाली खलाडी बनेका छन् । आईसीसी विश्वकप लिग–२ अन्तर्गत त्रिदेशीय सिरिजमा नामिबियाविरुद्ध ५५ रन बनाएपछि रोहित एक हजार रन पूरा गर्ने पहिलो नेपाली क्रिकेटर बनेका छन् । रोहितले नामिबियाविरुद्ध ७२ रन बनाए ।

रोहितले ३३ एकदिवसीय खेलमा खेलमा एक हजार रन पूरा गरेका हुन् । रोहितपछि ज्ञानेन्द्र मल्लले एकदिवसीयमा सात सय ३४ र आसिफ शेखले ६ सय ५५ रन बनाएका छन्।





थप समाचार

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]

गायकवाडको शतकमा लखनाउलाई २११ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा कप्तान ऋतुराज गायकवाडको शतकको सहयोगमा चेन्नई सुपर किंग्सले […]

गणेशमान सिंह राष्ट्रिय टी-२० च्याम्पियनशिप : बागमती र मधेशको जित

काठमाडौं । राजधानीमा संचालन भैरहेको पहिलो वीर गणेशमान सिंह राष्ट्रिय टी-२० च्याम्पियनशिप अन्तर्गत मंगलवारको भएको खेलमा मधेश प्रदेश र बागमती […]